Upptökuvélarnar fylgdu raunveruleikastjörnunni Eriku Jayne hvert fótspor þegar hún leysti af í hinum ýmsu störfum hjá bandaríska tímaritinu Vogue en Jayne er þekkt fyrir framkomu sína í raunveruleikaþáttunum The Real Housewives of Beverly Hills.
Jayne mætti með sex ferðatöskur fyrir þennan eina dag í afleysingum og skipti nokkrum sinnum um föt enda með fimm manna glamúrteymi með sér. Hér fyrir neðan má sjá hvernig henni gekk að leysa af í hinum ýmsu störfum hjá tímaritinu.