Það vakti mikla athygli í Bretlandi á dögunum þegar fólki var ráðlagt að vera búið að safna tveimur árslaunum sínum fyrir 35 ára aldurinn. Telegraph tók saman markmið sem netverjum fannst öllu við viðráðanlegri. Þegar búið er að haka við þessi atriði er ljóst að fólk er tilbúið að vera miðaldra.
1. Að líta á heimsókn í Blómaval sem skemmtun
Við 35 ára aldurinn ætti fólk að vera byrjað að líta á að skoða plöntur og annan búnað tengt plöntum og garðinum. Stundum er hægt að fá sér kaffi í slíkum búðum og líta á húsbúnað og þá er heill eftirmiðdagur farinn í góða skemmtun.
2. Njóta þess að fara út að borða í IKEA
Allir sem halda heimili þurfa að fara reglulega í IKEA. Einu sinni var kannski nóg að næla sér í pulsu á leiðinni út en við 35 ára aldurinn ætti fólk að vera búið að læra njóta sænsku kjötbollanna.
3. Koma reglu á háttatímann
Markmið fullorðinsáranna er að fara snemma að sofa, ekki fara í partí og vera heima. Fyrir 35 ára aldurinn ætti fólk að vera búið að læra að hátta sig, tannbursta og skutla sér undir sæng á mettíma til þess að passa um á átta tíma svefninn.
4. Eiga gott Tupperware-safn
Allir sem hafa náð 35 ára aldrinum ættu að vera komnir á þann stað að eiga fullan skáp af nestisboxum en samt virðist sem að ekkert lok passar á boxin í skápnum.
5. Gefa frá sér hljóð
Fram kemur í greininni að í fyrsta sinn sem fólk gefur frá sér „hljóðið“ kennir það þreytu um. Smám saman byrjar fólk að andvarpa og gefa frá þér „úff“ við litla áreynslu eins og þegar það stendur upp, beygir sig og þess háttar.
6. Átt skúffu með nytsamlegum hlutum
Það er hægt að deila um nauðsyn þessara hluta en þegar þú ert 35 ára ættir þú að eiga skúffu með allskonar kertum, þvottaklemmum, málmbandi, sex hleðslutækjum fyrir síma sem þú átt ekki lengur, ónýtum rafhlöðum og gjafaborða sem þú fékkst á pakka um síðustu jól og vonast til þess að geta endurnýtt.
7. Keypt verkfæri
Þegar fólk er orðið 35 ára er það orðið of gamalt til að hringja í pabba til að fá lánað skrúvélina. Þú ert í góðum málum ef þú ert búin að fjárfesta í rafmangsverkfæri fyrir 35 ára aldurinn.
8. Ert meðvitaður um vínið sem þú kaupir
Það eru líkur á því að við 35 ára aldurinn sértu enn að kaupa næst ódýrasta rauðvínið í ríkinu. Þrátt fyrir það ætti 35 ára gamalt fólk að vera nokkuð meðvitað um gæði vínsins sem það er að kaupa.
9. Nöldra yfir unga fólkinu