Gat ekki ímyndað sér neitt hræðilegra

Ebba Sig fyrir Smartland.
Ebba Sig fyrir Smartland. mbl.is/Haraldur Jónasson/Hari

Leikkonan Þuríður Elín Sigurðardóttir eða Ebba Sig eins og hún kallar sig fór óvart út í uppistand í vetur en hún byggir uppistandið á sínu eigin lífi. Það er augljóst að Ebba hefur húmor fyrir sjálfri sér og á auðvelt með að fá fólk til að hlæja, að minnsta kosti átti blaðamaður erfitt með að skella ekki upp úr þegar hann spurði Ebbu út í uppistandið.

Ebba útskrifaðist úr leiklistarháskólanum Rose Bruford í London árið 2015. „Ég flutti heim og byrjaði að vinna í níu til fimm vinnu og byrjaði að skrifa sjónvarvarpsþætti með vinkonu minni henni Gunnhildi. Það var eitthvað að ganga frekar hægt og ég var með svo mikið af sögum og ákvað bara að henda í einleik sem heitir Guðmóðirin sem ég sýndi fyrir áramót á Kaffi Laugalæk,“ segir Ebba og segir að í kjölfarið hafi boltinn farið að rúlla. Yfirmaðurinn á Kaffi Laugalæk fékk Ebbu til að skemmta í starfsmannapartíi og nú kemur hún fram á kaffihúsinu einu sinni í mánuði auk þess sem hún er bókuð í einkasamkvæmi.

Kom þetta á óvart?

Já, í raun og veru. Ég bjóst aldrei við því að ég færi í uppistand. Fólk var búið að nefna þetta við mig áður en þetta var það hræðilegasta sem ég gat ímyndað mér. Að standa og vera ég sjálf og vonast til þess að fólk þætti ég fyndin. Það var alveg það hrikalegasta. Það er miklu auðveldara fyrir mig að lesa handrit, læra línurnar og leika. Það venst og nú finnst mér þetta ógeðslega skemmtilegt.“

Ebba Sig fyrir Smartland.
Ebba Sig fyrir Smartland. mbl.is/Haraldur Jónasson/Hari

Var einleikurinn þá svona fyndinn?

„Einleikurinn var fyndinn en með alvarlegum undirtón. Ég var að tala um kynferðislegt ofbeldi eins og ég lenti í sjálf og ýmislegt sem konur lenda í í kynlífi sem maður er kannski ekki alltaf að tala um opinskátt. Það var þunn lína milli alvarleikans og húmorsins en alltaf stutt í grínið,“ segir Ebba.

Er ekkert erfitt stundum að dansa á þessari línu?

„Jú, ég geri til dæmis ekki grín að kynferðisofbeldi af því það er ekki fyndið. Meira eitthvað sem maður er að lenda í í sambandi við karlmenn sem er kannski ekki kynferðisofbeldi en það er eitthvað óþægilegt og maður veit ekki hvernig maður á að tækla það af því það er ekki talað um það.“

Eins og hvað?

„Ég til dæmis talaði um það í einleiknum mínum að það er oft ætlast til þess að feitar konur geri meira en þær sem eru ekki feitar. Auðvitað lenda konur líka í því sem eru ekki feitar. En þetta er bara svona: „Æ, kommon ég er að sofa hjá þér, þú átt bara vera þakklát að ég sé að sofa hjá þér“. Einhver að vippa typpinu út í bílnum og biðja mann um að runka sér. Maður er bara: „Heldurðu að þetta sé í lagi?“ En veit samt ekki hvað maður á að segja. Ég reyni að tala um alla þessa hluti sem maður hefur lent í sem eru kannski ekki grafalvarlegir en þannig að konur vita að þær eru ekki einar, við erum fleiri sem erum að lenda í alls kyns uppákomum.

Sögur af lífi einhleypu stelpunnar eru því fyrirferðarmiklar en Ebba segir stefnumótamarkaðinn ólíkan því sem hún kynntist í London á námsárunum. „Þar fór maður á stefnumót en Tinder hérna, eða svona Tinder sem ég lendi í, það er kannski einhver með allt aðra sögu, er strax bara: „Má ég koma í heimsókn? „Eigum við að ríða?“ Ekkert svona spjall en það er kannski bara eitthvað sem fólk er að leita eftir þar,“ segir Ebba en viðurkennir hlæjandi að hún noti oftast Tinder í frekar annarlegu ástandi.

Ebba Sig.
Ebba Sig. mbl.is/Haraldur Jónasson/Hari

Ebba er þeim kostum gædd að geta litið á spaugilegu hliðina á lífinu og margt annað en stefnumótamarkaðurinn sem kemst inn í uppistandið hennar. „Ég tala til dæmis um kvíða, ég er með ofsakvíða og heilsukvíða. Ég reyni að lýsa því á opinskáan hátt. Það getur verið mjög fyndið þegar ég pæli í því eftir á en svo þegar maður er í kvíðakasti er það ekkert fyndið. En maður getur horft á það til baka og hugsað hvað í andskotanum var í gangi í hausnum á mér þarna þegar ég hélt ég væri að fá hjartaáfall. Ég er 27 ára og ekki með hjartagalla og því frekar ólíklegt að ég sé að fá hjartaáfall en akkúrat þegar það er að gerast þá er ég bara: „Þetta er að gerast, þetta er að gerast.“ Svo er ég með IBS-sjúkdóm, maður hefur lent í alls konar hlutum tengdum því sem eru óþægilegir. Er kannski bara að kúka á mig og þarf einhvern veginn að finna leið án þess að gera það,“ segir Ebba sem gerir líka grín að því að hún búi heima hjá mömmu sinni á meðan vinkonur hennar eru að kaupa sér íbúð.

Draumurinn um sjónvarpsþáttinn er þó ekki horfinn þótt einleikurinn hafi gengið vel og uppistandið farið á flug. Þær Ebba og Gunnhildur Þorkelsdóttir vinkona hennar eru búnar að skrifa handritið og eru nú að vinna með framleiðanda. Ebba segir þættina vera blöndu af drama og gríni og kallar það „dramedy“. Rétt eins og uppistandið og einleikurinn byggir handritið á lífi Ebbu en líka vinkvenna hennar.

„Okkur langar svo til að sjá stelpur sem eru raunverulegar, ekki ótrúlega ýktar og gervi, heldur flóknar persónur. Ekki einhliða konur sem hefur verið svo mikið í gegnum tíðina í sjónvarpi. Þetta fjallar um sambönd, kynvitund og atvinnu, allan pakkann bara,“ segir Ebba að lokum og tekur undir það að slíkt efni hafi vantað í íslenska sjónvarpsþáttagerð.

mbl.is

Karlmenn vilja helst kynlíf á morgnana

Í gær, 21:00 Klukkan sex mínútur í átta vilja karlmenn helst stunda kynlíf en ekki er hægt að segja það sama um konur.   Meira »

Eignir sem líta vel út seljast betur

Í gær, 18:00 Við val á fasteign er gott að skoða hversu auðvelt er að komast til og frá vinnu. Bílskúr eða kjallaraherbergi sem nýta má sem íbúðareiningu og leigja út getur létt greiðslubyrðina. Meira »

Langar að fela síma kórsystra sinna

Í gær, 14:00 „Ég hef sungið í kirkjukór síðan ég fór að hafa tíma til þess frá börnunum og það gefur mér mjög mikið. En mér finnst mjög óviðeigandi að sjá ungu konurnar í kórnum vera á Facebook í símunum sínum þegar presturinn er að prédika.“ Meira »

Tíu hjónabandsráð Joan Collins

Í gær, 10:00 Hin 85 ára gamla Joan Collins hefur verið gift fimm sinnum yfir ævina. Hún segir að eitt af lykilatriðunum þegar kemur að hamingjusömu hjónabandi sé að standa alltaf við bakið á maka sínum. Meira »

Hræðileg kynlífsreynsla karla

Í gær, 05:00 Kynlíf gengur ekki alltaf jafn vel fyrir sig og þaulæfð atriði á sjónvarpsskjánum. Menn hafa verið bitnir, klóraðir til blóðs og jafnvel endað uppi á spítala. Meira »

500 manna djamm – allt á útopnu

í fyrradag Mikil gleði og hamingja var áberandi á árshátíð Origo á dögunum. Árshátíðin fór að sjálfsögðu fram í Origo-höllinni. Um 500 manns skemmtu sér konunglega á hátíðinni sem bauð upp á mikla litadýrð enda var latín carnival þema í gangi. Meira »

Hver eru hagstæðustu húsnæðislánin?

í fyrradag Á að velja óverðtryggt eða verðtryggt? Er lægra veðhlutfall að skila sér í hagstæðari kjörum? Íbúðalánasjóður mun halda fræðslufundi um flókinn heim fasteignalána. Meira »

Rut hannaði í fantaflott hús á Smáraflöt

í fyrradag Einn eftirsóttasti innanhússarkitekt landins, Rut Káradóttir, hannaði innréttingar í glæsihús við Smáraflöt í Garðabæ.   Meira »

Sonurinn búinn að steypa sér í skuldir

í fyrradag Drengurinn minn var alltaf glaður, félagslegur og tók virkan þátt í daglegu líf. Svo um 17-18 ára aldur fórum við að taka eftir breytingum á honum. Um þetta sama leyti byrjar hann að spila póker á netinu og fyrst til að byrja með sagði hann okkur frá þessu. Meira »

Svona forðastu stress og áhyggjur

í fyrradag Karitas Sveinsdóttir, innanhússhönnuður og eigandi HAF STORE og HAF STUDIO, segir bjarta liti vinsæla um þessar mundir. Hún segir alltaf í tísku að þiggja aðstoð fyrir fermingar og fólk ætti að sama skapi að forðast stress. Meira »

Náttúrulegar töfraolíur sem umbylta

21.3. Margar af þekktustu fyrirsætum heims nota RAAW by Trice-vörurnar. Flestir mæla með Bláu töfradropunum sem virka einstaklega vel á ójafna húð og bólur. Þeir sem eru gjarnir á að fá bólur sem og þeir sem eru með feita húð mæla sérstaklega vel með dropunum. Meira »

Misstum allt, en hann heldur áfram

21.3. „Mig langar að forvitnast varðandi manninn minn, en í hruninu misstum við allt. Þá hafði hann verið að fjárfesta í alls konar verkefnum, hlutabréfum og gjaldeyri. Vandinn var sá þá að þetta var allt meira og minna fjármagnað með skuldum,“ segir íslensk kona. Meira »

Formaðurinn lét sérsauma á sig kjól

21.3. Guðrún Hafsteinsdóttir fékk Selmu Ragnarsdóttur til að sérsauma á sig kjól fyrir árshóf SI í Hörpu. Voru þær strax sammála um að hafa kjólinn ekki svartan. Meira »

Endurbættri útgáfu af hrukkubana fagnað

21.3. Dr. Björn Örvar, einn af stofendum Bioeffect, kynnti nýja tvennu fyrir fáum útvöldum í gær. Um er að ræða Bioeffect EGF+ 2A Daily duo sem eru húðdropar sem vinna saman. Meira »

Er bótox hættulegt?

21.3. Jenna Huld Eysteinsdóttir, húðlæknir hjá Húðlæknastöðinni, svarar spurningum lesenda Smartlands. Hér svarar hún tveimur spurningum um fínar línur og bótox. Meira »

„Fyrrverandi vill hafa mig sem vin“

21.3. Svo er önnur spurning: Þessi vinasvæði, er sanngjarnt eftir að hlutum hefur verið startað með rómantík að setja svo upp vinasamband til að velja úr öðrum hlutum? Að ég sitji svo einn heima á kvöldin og horfi á Netflix, þegar okkar stundum er lokið og hún að njóta þess sem ekki síst á að vera með í góðu sambandi með öðrum. Meira »

Heimilið er afar litríkt og heillandi

20.3. Borðstofa Selmu Blair er eins og kaffitería en innanhúshönnuður hennar sótti innblástur í gamlan heimavistarskóla sem leikkonan var í. Meira »

Einbýlin sem kosta yfir 160 milljónir

20.3. Dýrustu einbýlishúsin á höfuðborgarsvæðinu eru bæði ný og gömul, staðsett á Nesinu sem og í Kópavogi.   Meira »

Kristbjörg tárast yfir flutningunum til Katar

20.3. Kristbjörg Jónasdóttir, einkaþjálfari og eiginkona Arons Einars Gunnarssonar, er hrærð yfir því að fjölskyldan sé að flytja frá Cardiff til Katar. Meira »

Svona færðu besta verðið fyrir eignina þína

20.3. Fasteignasalinn Páll Heiðar Pálsson segir að það skipti miklu máli að verðleggja sig ekki út af markaðnum og ákveðnir þættir þurfi að vera í lagi. Hann segir að það séu margir þættir sem hafi áhrif á söluverð fasteigna. Meira »

Hvort á ég að velja SPF 50 eða 30?

20.3. „Ég er að fara til Marokkó þar sem sólin er sterk. Er sólarvörn með SPF-þætti 50 betri en sólarvörn með SPF-þætti 30? Eða skiptir það engu máli?“ Meira »
Meira píla