Huggulegheit og Tenerife

Áslaug Björt Guðmundardóttir.
Áslaug Björt Guðmundardóttir. mbl.is/Haraldur Jónasson/Hari

Framboð námskeiða hjá Endurmenntun HÍ er svo mikið að ekki er hlaupið að því að henda reiður á þeim öllum. „Að meðaltali eru um 200 styttri námskeið á dagskrá hjá Endurmenntun á hverju misseri, bæði starfstengd og persónuleg, auk lengri námsbrauta eins og ökukennaranáms og leiðsögunáms sem spanna allt að þrjú til fjögur misseri,“ segir Áslaug Björt Guðmundardóttir, markaðs- og viðskiptastjóri EHÍ.

Að sögn Áslaugar ber framboðið í haust þess greinileg merki að landsmönnum er umhugað um að rækta sál og líkama. „Bæði má finna styttri námskeið um ýmsar hliðar jógaiðkunar og núvitundar og lengri námsbrautir á borð við Hug og heilbrigði, þar sem engar forkröfur eru gerðar til nemenda, yfir í diplómanám á meistarastigi í jákvæðri sálfræði.“

Að læra huggulegheit

Eitt besta dæmið um þessa þróun í námskeiðaúrvalinu er stutt kvöldnámskeið sem haldið verður þann 26. september þar sem kafað verður ofan í þá dönsku list að hafa það huggulegt. Yfirskrift námskeiðsins er Aukum eigin lífsgæði og hamingju með – HYGGE og á heimasíðu Endurmenntunar er auglýsingin fyrir námskeiðið myndskreytt með makindalegum ketti í mjúku fleti. „Okkur fannst upplagt að nota kött sem einkennismynd námskeiðsins enda fáir sem kunna það betur en kettir hafa það huggulegt og notalegt,“ segir Áslaug en kennarar á námskeiðinu eru Kristín Linda Jónsdóttir sálfræðingur og Anna Jóna Guðjónsdóttir ráðgjafi.

Áslaug segir ekki öllum gefið að kenna huggulegheit á danska vísu, en bækur um hygge seljast nú eins og heitar lummur um allan heim og grunar marga að frændur okkar Danir hafi fundið lykilinn að lífshamingjunni með þeim siðum, viðhorfi og lífsstíl sem hygge stendur fyrir. Hygge, segir Áslaug, snýst um meira en að gefa sér tíma í dagsins amstri til að slaka á með öl í glasi eða góðan ostbita á diski. „Dönsk huggulegheit snerta á því hvaða venjur fólk temur sér í sínu daglega lífi, hvernig það gerir notalegt í kringum sig bæði á heimili og vinnustað, og hvernig samskiptin eru við annað fólk.“

Fyrir þá sem vilja taka „danskheden“ enn lengra, bendir Áslaug einnig á dönskunámskeið Casper Vilhelmsen og námskeið Charlotte Bøving um danska menningu og samfélag séð í gegnum danska sjónvarpsþætti. „Námskeiðin fara bæði fram á dönsku og henta vel þeim sem vilja með þessum hætti þjálfa sig í dönsku talmáli.“

Tenerife og bókmenntagrúsk

Í haust eru jafnframt mörg námskeið á dagskrá sem kennd hafa verið við miklar vinsældir í áraraðir. Eitt af þessum námskeiðum fjallar um sólstrandaparadísina Tenerife. „Tenerife er einn vinsælasti áfangastaður íslenskra ferðalanga og liggur straumurinn til Kanaríeyja árið um kring. Snæfríður Ingadóttir kennir námskeiðið og varpar þar ljósi á nýjar og minna þekktar hliðar eyjunnar. Snæfríður hefur skrifað leiðsögubók um Tenerife og veitir fólki innblástur til að kynnast eyjunni með öðrum hætti í næstu heimsókn, enda margt annað í boði en hvítar strendur og hótelbarir,“ segir Áslaug.

Bókmenntatengd námskeið hafa verið fastur liður hjá Endurmenntun frá upphafi og vill Áslaug m.a. vekja sérstaka athygli á námskeiðinu Draugar og dulræn fyrirbæri í íslenskum bókmenntum sem Auður Aðalsteinsdóttir kennir. „Hið andlega og dulræna hefur verið áberandi í verkum íslenskra höfunda bæði að fornu og nýju og skoðar námskeiðið meginþræði og birtingarmyndir hins yfirskilvitlega í völdum íslenskum skáldsögum, allt frá Sjálfstæðu fólki til Hanami.“

Íslendingasagnanámskeið á þremur mismunandi námskeiðstímum eru á dagskrá í haust, og öll í umsjón Ármanns Jakobssonar. „Mjög stór hópur fólks sækir þessi námskeið og margir koma til okkar ár eftir ár til að fræðast betur um Íslendingasögurnar,“ upplýsir Áslaug. „Í haust verður kafað ofan í Gísla sögu, Gunnlaugs sögu og Hrafnkels sögu og fer það orð af Ármanni að hann komi efninu til skila á lifandi og skemmtilegan hátt.“

Að sögn Áslaugar finnst mörgum að námskeiðin dýpki mjög skilning þeirra á bókmenntaarfinum. „Þar gefst tækifæri til að skoða sögurnar frá mismunandi sjónarhornum og kynnast skoðunum annarra á sögupersónum og söguþræði. Margir sækja líka í þann góða félagsskap sem námskeiðin veita þar sem kynnast má öðru fólki sem hefur dálæti á fornsögunum.“

Til að reyna að skilja Trump

Endurmenntun skipuleggur líka námskeið sem kryfja málefni samtíma og fortíðar. Magnús Sveinsson kennir eitt námskeið af þessum toga í haust, um bandarísk stjórnmál og Donald Trump. „Þessi námskeið eru góður vettvangur fyrir fólk til að koma saman, ræða málin og fá dýpri sýn á málefnin,“ segir Áslaug og bendir einnig á námskeið Illuga Jökulssonar um eina illræmdustu persónu mannkynssögunnar, Adolf Hitler: „Það er forvitnilegt að velta fyrir sér atburðum líðandi stundar í ljósi sögunnar, en á námskeiðinu reynir Illugi m.a. að svara því hvort hörmungar helfarar og heimsstyrjaldar hafi verið óhjákvæmilegar, eða hvort persóna Hitlers hafi þar haft úrslitaáhrif.“

Rakel og Helgi Þorgils giftu sig

06:00 Rakel Halldórsdóttir og Helgi Þorgils Friðjónsson gengu í hjónaband í Hallgrímskirkju 25. ágúst.  Meira »

Best klæddu stjörnurnar á Emmy

Í gær, 22:00 Hvítt og fjaðrir voru áberandi á Emmy-verðlaunahátíðinni. Spænska leikkonan Penelope Cruz var með þetta tvennt á hreinu í hvítum Chanel-kjól með fjöðrum. Meira »

Skúli aldrei verið flottari fimmtugur

Í gær, 19:00 Skúli Mogensen fagnar 50 ára afmæli í dag, 18. september. Smartland lítur hér yfir farinn veg og svo virðist sem Skúli eldist eins og gott rauðvín. Meira »

Fyrstu íslensku snyrtivörurnar í Sephora

Í gær, 16:22 Snyrtivörukeðjan Sephora er feykivinsæl um allan heim en nú voru þær fréttir að berast að íslenska húðvörumerkið BIOEFFECT væri nú komið í sölu í versluninni. Meira »

Gísli og Selma mættu með synina

Í gær, 12:37 Leikarinn Gísli Örn Garðarsson mætti með son sinn á Ronju ræningjadóttur og Selma Björnsdóttir mætti með son sinn. Selma leikstýrir sýningunni en dætur þeirra beggja fara með hlutverk í leikritinu. Meira »

Hvernig leita ég að sjálfri mér?

Í gær, 09:21 „Það sem gerist þegar við erum uppfull af streitu þá hættum við að sofa vel, við gleymum hlátrinum okkar og leikgleði og við hættum að lokum að vera félagslega tengd. En þetta eru einmitt þeir þættir sem við þurfum að passa upp á ef við ætlum að ná aðlögun að erfiðum eða nýjum aðstæðum nú eða koma okkur út úr kulnun ýmiss konar.“ Meira »

Allt á útopnu í peysupartýi

í gær Fjölmennt var í Listasafni Reykjavíkur á laugardaginn þegar Peysupartýið var haldið með pompi og prakt. Partýið var liður í Útmeða-átaki Geðhjálpar og Hjálparsíma Rauða krossins þar sem markmiðið er að fá ungt fólk til að tjá sig um erfiða líðan og leita sér hjálpar hjá fagfólki ef á þarf að halda. Meira »

„Ég er hrædd við að stunda kynlíf“

í fyrradag „Mig langar hræðilega mikið að vera í alvarlegu sambandi, eða einhvers konar sambandi, en ég er hrædd við að stunda kynlíf. Ég hef gert það nokkrum sinnum, en snertingar og leikir stressa mig, sérstaklega með ókunnugum.“ Meira »

Selja draumahúsið við Hafravatn

í fyrradag Fólkið á bak við Happie Furniture, þau Haf­steinn Helgi Hall­dórs­son og Guðrún Agla Eg­ils­dótt­ir, hafa sett glæsilegt einbýlishús sitt við Hafravatn á sölu. Meira »

Boxar og sippar til að vera í toppformi

í fyrradag Gigi Hadid vekur athygli víða fyrir að vera í frábæru formi. Womens Health tímaritið fór yfir hvað fyrirsætan gerir til að halda sér í formi. Meira »

Fögnuðu húsnæði og hakkarakeppninni

í fyrradag Tölvuöryggisfyrirtækið Syndis bauð í innflutningspartí á dögunum í tilefni af því að fyrirtækið flutti í Katrínartún 4. Á sama tíma veitti fyrirtækið verðlaun í IceCFT hakkarakeppninni. Meira »

Páll Rafnar selur íbúðina við Garðastræti

í fyrradag Páll Rafnar Þorsteinsson, fyrrverandi aðstoðarmaður Þorgerðar Katrínar Gunnarsdóttur, formanns Viðreisnar, hefur sett sína huggulegu íbúð á sölu. Meira »

Það sem franskar konur gera aldrei

í fyrradag Franskar konur hafa orð á sér fyrir að gera hlutina rétt þegar kemur að tískunni. Það eru nokkrir hlutir sem þær klikka aldrei á. Meira »

Morgundrátturinn gerir þig betri í vinnunni

17.9. Kynlíf virðist oft vera svarið við öllum vandamálum. Kynlíf á morgnana er frábært ráð ef þú átt erfitt með að vakna. Það gæti líka hjálpað ef þú átt í erfiðleikum í vinnunni. Meira »

Allir geta lært nýja hluti

16.9. Erla Aradóttir hefur starfað sem kennari í yfir 40 ár. Hún stofnaði árið 1993 skólann Enska fyrir alla og leggur metnað sinn í að færa landsmönnum þá þekkingu sem þeir vilja öðlast á enskri tungu. Meira »

Sleppir aldrei þessari æfingu

16.9. Kourtney Kardashian er í hörkuformi og ekki að ástæðulausu enda gerir hún kassahopp á hverjum degi.   Meira »

Pínulítið geggjað samfélag

16.9. Margrét Grímsdóttir er framkvæmdastjóri hjúkrunar á Heilsustofnun NLFÍ. Þar er boðið upp á 4 vikna streitumeðferð sem Margrét stýrir. Meira »

71 árs í fantaflottu formi

16.9. Leikkonan Susan Lucci er búin að finan út hvernig maður heldur sér í formi á áttræðisaldri. Aldur er greinilega afstæður!  Meira »

Ferillinn fór á flug eftir fertugt

16.9. Stóra tækifærið kemur ekki endilega fyrir þrítugt. Ferill margra þekktra kvenna fór ekki á flug fyrr en um fertugt, jafnvel sextugt. Meira »

Ballett fer aldrei úr tísku

16.9. Lára Stefánsdóttir lætur til sín taka og kennir pilates í eigin rekstri og hot barre fit-tíma í Hreyfingu.  Meira »

Ert þú í gáfaðasta stjörnumerkinu?

15.9. Fræðimenn hafa ályktað hvaða stjörnumerki eru þau gáfuðustu með því að fara í gegnum alla nóbelsverðlaunahafa.   Meira »