Hin 63 ára Kris Jenner er engin venjuleg kona sem sést vel á morgunrútínu raunveruleikastjörnumömmunnar. Jenner segist í viðtali við elstu dóttur sína, Kourtney Kardashian, vakna klukkan hálffimm eða fimm á morgnana. Rútína skiptir hana öllu máli. 

Hún segist búa sig undir mjög langan dag. Klukkan hálffimm eða fimm vaknar hún, fer á fætur og drekkur kaffi og kíkir á tölvupóstinn, því næst fer hún á hlaupabrettið. Hún reynir að vera á hlaupabrettinu í 45 mínútur kannski klukkutíma og nýtir tímann til þess að fylgjast með fréttum og því sem er að gerast í heiminum. Segist hún vera tilbúin í daginn andlega og líkamlega eftir þennan tíma í ræktinni heima hjá sér. 

Ásamt því að vera með morgunrútínu er Jenner einnig með kvöldrútínu en eftir langan dag fær hún sér áfengan drykk til þess að slaka á. 

Kris Jenner er ekki bara raunveruleikastjarna heldur manneskjan á bak við viðskiptaveldi fjölskyldu sinnar og er umboðsmaður Kardashian/Jenner-fjölskyldunnar. 

Kim Kardashian, Kourtney Kardashian og Kris Jenner. mbl.is/AFP

Tengdar fréttir

Morgunrútínan

„Tárin hættu bara ekki að streyma“

• Lykilatriði að fara út fyrir þægindaramann og gefast ekki upp
• Guðlaug stefnir á Ólympíuleikana og æfir þrisvar á dag
• Adam Ægir afhjúpar leyndarmálið að góðum árangri
• Húðrútína sem inniheldur góðar vörur og jákvætt hugarfar

» Fleiri tengdar fréttir

• Blogga um frétt