Ekki fara í símann um leið og þú vaknar

Amber Rae er að margra mati einn mesti snillingur veraldar þegar kemur að því að setja flókna hluti og alls konar hugmyndir niður í dagbók. Hún gaf nýlega út bókina Choose Wonder Over Worry en Rae er einnig vinsæll pistlahöfundur hjá tímaritinu SELF. 

Hún er listakona fram í fingurgóma og vinnur markvisst að því að setja fram einfaldar leiðir fyrir persónulegan þroska fólks. Hún stofnaði listahreyfinguna The World We Want. Hún er listakona, kennari og fyrirlesari um sköpun, tilfinningalegt heilbrigði og persónulegan þroska. 

Rae hefur sjálf reynsluna að feta hinn hefðbundna feril. Ætlaði í fyrstu að vinna fyrir tæknifyrirtæki í Kísildalnum þar til hún gaf allt upp á bátinn, seldi eigur sínar og flutti til New York að elta drauminn sinn. 

Það er hægt að læra margt af því sem hún mælir með að gera í lífinu. Sem dæmi telur hún mikilvægt að nota ekki auðveldar leiðir til að eiga við erfiðar tilfinningar. Að borða sykur þegar stress steðjar að, má skipta út fyrir rólegri stund þar sem einstaklingurinn dregur inn andann og leitast við að finna styrk í aðstæðunum. Hún segir hollt að slökkva á samfélagsmiðlum reglulega og að skrifa í dagbók er eitthvað sem allir ættu að gera að hennar mati. Að sleppa tökunum á þeim hlutum sem við getum ekki stjórnað er mikilvægt til að öðlast æðruleysi í lífinu að hennar mati. 

Margir eru fastir í viðjum þess að vera með óteljandi atriði á minnislista sínum. Hún mælir með að vera með lista um hluti til að tileinka sér í staðinn. Hún trúir á samvinnu frekar en kappsemi. Á framfarir meira en útkomu. 

Það er margt áhugavert í viskubrunni Rae. 

• Blogga um frétt