Margar heimsfrægar stjörnur hafa útskrifast úr einhverju allt öðru en þær eru frægar fyrir. Sumar stjörnur fóru í háskóla áður en frægðin kallaði en aðrar fóru í háskóla eftir að hafa öðlast frægð og frama. Er háskólamenntun þá bara tilgangslaus? Líklega ekki en fólk nýtir augljóslega menntun sína á ólíkan hátt.
Dwayne „The Rock“ Johnson
Dwayne Johnson eða The Rock eins og hann er kallaður er launahæsti leikarinn í Hollywood en áður en hann sló í gegn nældi hann sér í háskólagráðu í afbrotafræði og lífeðlisfræði.
Brooke Shields
Leikkonan og fyrirsætan útskrifaðist með gráðu í frönskum bókmenntun frá Princeton.
Brian May
Gítarleikari hljómsveitarinnar Queen var byrjaður í doktorsnámi þegar hljómsveitin sló í gegn. Hann skráði sig aftur í nám árið 2006 og útskrifaðist frá Imperial College London árið 2008 með doktorsgráðu í stjarneðlisfræði.
Natalie Portman
Leikkonan hefur starfað sem leikkona frá barnæsku. Þrátt fyrir leiklistarferilinn útskrifaðist hún úr sálfræði frá Harvard árið 2003 en meðan á náminu stóð lék hún í Star Wars.
Aziz Ansari
Grínistinn útskrifaðist með gráðu í markaðsfræði frá New York University áður en hann sló í gegn.
Chris Martin
Coldplay-söngvarinn útskrifaðist með gráðu í grísku og latínu frá University College London. Martin hitti reyndar hljómsveitarfélaga sína í háskólanum.
Will Ferrell
Grínleikarinn er með háskólagráðu í fagi sem kalla má íþróttaupplýsingamiðlum frá University of Southern California en ætlaði að verða íþróttafréttamaður.
John Legend
Tónlistarmaðurinn er með gráðu frá University of Pennsylvania í ensku með sérstaka áherslu á bókmenntir svartra í Bandaríkjunum.
Lisa Kudrow
Friends-stjarnan útskrifaðist með gráðu í líffræði frá Vassar Collage.
Rowan Atkinson
Mr. Bean-leikarinn útskrifaðist með meistaragráðu úr rafmagnsverkfræði árið 1978.
Arnold Schwarzenegger
Vöðvatröllið nældi sér í gráðu í viðskiptum frá University of Wisconsin–Superior árið 1979.
Ricky Gervais
Grínistinn útskrifaðist frá University College London með gráðu í heimspeki.