Alexandra Helga Ívarsdóttir, annar eigandi netverslunarinnar Móa & Mía og eiginkona Gylfa Sigurðssonar fótboltamanns, hefur fest kaup á verslunarhúsnæði við Ármúla 40. Viðskiptablaðið greindi fyrst frá.

Alexandra festi kaup á húsnæðinu í gegnum félag sitt Santé North ehf. Kaupverðið er 260 milljónir króna en um er að ræða 547 fermetra verslun og 319 fermetra vörugeymslu.

Alexandra stofnaði Móa & Mía á síðasta ári ásamt Móeiði Lárusdóttur. Í versluninni, sem eingöngu hefur verið á netinu til þessa, er fjölbreytt úrval barnafata og barnavara auk þess sem þær bjóða upp á ýmislegt fyrir mæður og verðandi mæður.

Verslunin heitir í höfuðið á dætrum þeirra Alexöndru og Móeiðar. Alexandra og Gylfi eiga dótturina Melrós Míu en Móeiður og Hörður Björgvin Magnússon fótboltamaður eiga saman dæturnar Matteu Móu og Mörlu Ósk.

Frétt af mbl.is

Alexandra og Móeiður opna verslun

Tengdar fréttir

Framakonur

Laufey heiðruð á forsíðu tískutímarits

• Unnur Birna leggur inn málflutningsréttindi sín
• Heldur sín fyrstu jól heima á ADHD-lyfjum
• Fannst æðislegt að búa í London
• Gerður ætlar að opna nýja kynlífs­tækja­verslun

» Fleiri tengdar fréttir

• Blogga um frétt