Þetta ætlaði 16 ára Halldór Benjamín að vera þegar hann yrði stór

Halldór Benjamín Þorbergsson í dag og 1995.
Halldór Benjamín Þorbergsson í dag og 1995. Ljósmynd/Samsett

Það mæðir mikið á Halldóri Benjamín Þorbergssyni, framkvæmdastjóra Samtaka atvinnulífsins, þessa dagana enda logar allt í Karphúsinu. Ástandið er ekki ósvipað og þegar kennarar fóru í verkfall 1995. Þá var Halldór Benjamín nemandi í 10. bekk í Ölduselsskóla. 16 ára vissi hann alveg hvert hann stefndi í lífinu. 

Hann var með svipaða drauma og flestir á sama reki en í spurningu dagsins í DV þann 17. febrúar 1995 var hann spurður að því hvað hann ætlaði að verða þegar hann yrði stór. Það stóð ekki á svarinu. 

„Ég ætla að verða milljónamæringur þegar ég verð stór,“ svaraði hinn 16 ára Halldór Benjamín. 

Af þeim sex sem sátu fyrir svörum í DV þennan dag var hann sá eini sem ætlaði sér að verða ríkur. Þrír af sex ætluðu sér að verða lögreglumenn, einn ætlaði að verða verkfræðingur og ein ætlaði að verða læknir. 

Á forsíðu blaðsins þennan dag voru tvær stórfréttir. Önnur af verkfalli kennara og hin af því að mörg kíló af fíkniefnum hefðu fundist í vörusendingu.

Hægt er að lesa DV í heild sinni á Tímarit.is. 

Hér má sjá forsíðu DV 17. febrúar 1995.
Hér má sjá forsíðu DV 17. febrúar 1995. Ljósmynd/Tímarit.is
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál