Steindi, Auddi og Gillz stofna hlutafélag

Skemmtikraftarnir Auðunn Blöndal, Steinþór Hróar Steinþórsson og Egill Einarsson stofnuðu nýverið, ásamt öðrum, félagið Celsius dreifing ehf.

Er tilgangur félagsins heildverslun og dreifing heilsöluvara. Þetta kemur fram í lögbirtingarblaðinu en félagið var stofnað í janúar síðastliðnum. 

Formaður stjórnar er markaðsstjóri Myndform, Geir Gunnarsson. Auk þeirra Auðuns, Steinda og Egils eru Magnús Geir Gunnarsson, Gunnar Gunnarsson og Halldór Sigurbjörn Guðjónsson í stjórn félagsins. 

Félagið er stofnað í kringum heildsölu á drykknum Celsius, sem er koffíndrykkur sem Myndform hefur flutt inn frá 2021.

• Blogga um frétt