Katrín Jakobsdóttir fyrrverandi forsætisráðherra, forsetaframbjóðandi og rithöfundur hefur í nægu að snúast þessa dagana þrátt fyrir að vera ekki daglegur gestur í fréttum. Nú hefur hún stofnað fyrirtæki til að halda utan um sín verkefni. Katrín var formaður Vinstri grænna og forsætisráðherra þegar hún fór í framboð til forseta Íslands fyrir ári síðan þegar Halla Tómasdóttir var kjörin. 

Hvað er Katrín að fara að gera? 

Það er spurning sem hefur brunnið á landsmönnum en nú virðist vera komin mynd utan um framtíðarverkefni Katrínar því hún hefur stofnað fyrirtækið Njólubaug slf. Tilgangur félagsins er fræðslustarfsemi, kennsla, fyrirlestrar, fundarstjórn, ritstörf og ráðgjöf. Félagið er sjálfstæður skattaðili. Gunnar Sigvaldason, eiginmaður Katrínar, er varamaður í stjórn fyrirtækisins. 

Katrín skrifaði glæpasöguna Reykjavík með Ragnari Jónassyni rithöfundi og hlaut hún lof bæði hérlendis og erlendis þegar hún kom út. 

Smartland óskar Katrínu til hamingju með Njólubaug! 

Tengdar fréttir

Framakonur

Sara Miller útskrifast frá Bifröst en vill verða dýralæknir

• Sigrún Ósk komin með nýtt starf
• „Ég var einu sinni látin lita á mér hárið fjórum sinnum á tveimur mánuðum“
• „Þetta er gæðastimpill og ótrúlega dýrmæt reynsla“
• Upplifði skömm þegar hún var yngri

» Fleiri tengdar fréttir

• Blogga um frétt