Kristrún Frostadóttir, forsætisráðherra Íslands, segir að fimmtíu árin sem liðin eru frá kvennaverkfallinu marki mikilvæg tímamót í sögu jafnréttisbaráttunnar.

Í tilefni dagsins deildi hún ljósmynd þar sem hún er ásamt Guðrúnu Karls Helgadóttur, biskupi Íslands, Höllu Tómasdóttur, forseta Íslands, og Heiðu Björg Hilmisdóttur, borgarstjóra Reykjavíkur. Golli ljósmyndari á Heimildinni tók myndina. 

Undir ljósmyndina birti hún texta þar sem hún fór yfir það sem áunnist hefur í jafnréttisbaráttunni, en lagði jafnframt áherslu á að enn væri verk að vinna.

„50 ár frá kvennaverkfalli.

Merkileg tímamót. Hálf öld frá því að íslenskar konur lögðu niður störf í baráttu fyrir jöfnum kjörum. Flestir eru sammála um að þennan dag hafi orðið straumhvörf. Fimm árum síðar var Vigdís Finnbogadóttir lýðræðislega kjörin forseti Íslands, fyrst kvenna í heiminum. Og svo hélt boltinn áfram að rúlla.

Aukin þátttaka kvenna í íslenskum stjórnmálum færði þjóðinni mikilvæg réttindi. Lengra fæðingarorlof – fyrir foreldra óháð kyni. Leikskólarnir voru byggðir. Og svo mætti lengi telja.

Margt má þó auðvitað gera betur. Kynbundið ofbeldi þarf að uppræta. Og á meðan umönnunarstörf eru ekki metin að verðleikum – sem grunnstoðir samfélagsins – munum við áfram búa við kynbundinn launamun. Þarna þurfa stjórnvöld að vera vakandi.

En í dag getum við staldrað við og verið stolt af því hvað við höfum náð langt. Það megum við þakka konunum sem tóku erfiðar ákvarðanir og stóra slagi. Takk fyrir að ryðja brautina fyrir okkur sem komum á eftir.“

Tengdar fréttir

Klæðaburður þingmanna

Rúskinnsæði ríður yfir landið

• „Lífið er gjöf sem ég vil klæða mig upp fyrir“
• 47 þúsund króna kjóll Þorgerðar á heima í þínum fataskáp
• Helgi Hrafn í 50 þúsund króna flíspeysu Daða Más
• Daði Már klappaði Þorgerði Katrínu

» Fleiri tengdar fréttir

Framakonur

„Ég ofhugsaði þetta allt saman, beið alltaf eftir innblæstri“

• Aðalheiður komin með vinnu á Gímaldinu
• Kvenorkan fór yfir mælanleg mörk
• Íslendingar þurfa ljómandi snyrtivörur vegna sólarleysis
• 13,4% af ríkustu einstaklingum heims eru konur

» Fleiri tengdar fréttir

• Blogga um frétt