Sölvi Snær Magnússon og Kristín Ásta Matthíasdóttir, eigendur The Landromat Café í Reykjavík, eru farin hvort í sína áttina eftir að hafa verið saman í áratug.
Sölvi er þekktur smekkmaður og gekk lengi undir nafninu Sölvi í Sautján eftir að hafa unnið hjá fyrirtækinu í mörg ár. Síðan stofnaði hann tískuvöruverslunina Retro, stýrði auglýsingasölu hjá 365, var listrænn stjórnandi Ellingsen svo eitthvað sé nefnt. Kristín Ásta var yfirflugfreyja hjá WOW air þangað til í fyrra en áður rak hún sína eigin verslun sem bar nafnið Dótturfélagið. Á síðasta ári opnuðu þau The Laundromat Café þar sem skemmtistaðurinn REX var einu sinni til húsa (fyrir þá sem voru mest á djamminu fyrir 20 árum).
Parið hefur búið á Seltjarnarnesi síðustu ár í afar fallegri íbúð sem nú er komin á sölu.