Erla Hlín Hilmarsdóttir, förðunarfræðingur og eigandi Ekta, og Frosti Gnarr, hönnuður og starfsmaður efni.is, gengu í það heilaga í gær á afmælisdegi brúðarinnar, mánudeginum 21. júní.

Athöfnin var í hádeginu í heimahúsi. Faðir Frosta, Jón Gnarr, kyrjaði nokkrar vísur í athöfninni og svo tók móðir hans Frosta við, Jóhanna Gnarr Jóhannsdóttir, Jóga, og gaf þau saman. 

Högni Egilsson spilaði á gítar í athöfninni og þegar búið var að gefa þau saman söng hann lagið Þú komst við hjartað í mér.

Eftir að athöfninni lauk var boðið upp á kræsingar sem gestir gæddu sér á. Á meðal gesta voru sjónvarpskonan Berglind Pétursdóttir-Festival, Magnús Hreggviðsson, listrænn stjórnandi H:N Markaðssamskipta, og Jóhann G. Jóhannsson, leikari og leikstjóri. Hjónin fengu svo Berglaugu Petru Garðarsdóttur ljósmyndara til að taka myndir af athöfninni.

Seinni partinn yfirgáfu nýgiftu hjónin veisluna og fóru tvö saman út að borða á Grillmarkaðnum. Þau eyddu svo nóttinni á 101 Hótel á horni Hverfisgötu og Ingólfsstrætis.

Tengdar fréttir

Brúðkaup

Hvað er hægt að gefa „hressa parinu“ í brúðkaupsgjöf?

• Hannaði og smíðaði giftingarhringana og brúðarskartið sjálf
• Sigurjón og Simona gengu í það heilaga
• Páll Óskar og Edgar giftu sig í gærmorgun
• Atli og Anna Bergmann orðin hjón

» Fleiri tengdar fréttir

• Blogga um frétt