Danski leikarinn Nikolaj Coster-Waldau verslaði föt í Herrafataverzlun Kormáks & Skjaldar fyrir Evrópsku kvikmyndaverðlaunin sem voru haldin í Hörpu í desember.
Í Facebook-færslu verslunarinnar birtist mynd af verslunarstjóranum klæða Coster-Waldau.
Þar segir að þetta sé í annað sinn sem leikarinn kíkir í verslunina „og það fer ekki á milli mála að hann tekur sig vel út í fötunum frá okkur“.
Coster-Waldau er best þekktur fyrir að hafa leikið Jaime Lannister í þáttunum Game of Thrones.