Dvelur á meðferðarstofnun

Demi Moore er á hægum batavegi en hún dvelur nú á meðferðarstofnun þar sem hún glímir meðal annars við átröskun. Leikkonunni líður að sögn mun betur og er staðráðin í að snúa við blaðinu og ná tökum á lífi sínu á ný.

Vinir leikkonunnar sjá strax mun á Moore sem skráði sig til meðferðar á heilsustofnun í síðasta mánuði. Samkvæmt heimildamanni RadarOnline telja þeir sem standa leikkonunni næst að hún taki meðferðinni af fullri alvöru, enda geri hún sér grein fyrir því að hún sé hjálpar þurfi.

Moore hefur átt afar erfitt í kjölfar skilnaðarins við Ashton Kutcher í lok síðasta árs og var flutt í skyndi á sjúkrahús í janúar. Var hún þá að niðurlotum komin, bæði andlega og líkamlega. Leikkonan er ákveðin í að það sama endurtaki sig ekki og ætlar að ná fyrri heilsu. Henni er þó ljóst að leiðin er löng og að hún á mikla vinnu fyrir höndum.

mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál