Elskar aukakílóin

Söngkonan Beth Ditto tók upp hanskann fyrir Adele á dögunum eftir að Karl Lagerfeld lét þau orð falla um Adele að hún væri í þykkari kantinum. Ditto sagði tískurisann vera gamlan og horaðan. ,,Hvað er hann annað? Ekki er hann ungur og feitur,“ sagði hún við blaðamenn.
Beth Ditto hefur löngum verið þekkt fyrir að tjá skoðanir sínar opinskátt. Söngkonan er afar ánægð með líkamsvöxt sinn en hún myndi seint raðast í hóp fyrirsætna hjá Lagerfeld. Hún segist ekki hafa neina löngun til þess að grennast og sýnir sjálfstraust sitt með því að klæðast djörfu og sitja nakin fyrir á forsíðum tískutímarita. „Mig dreymir um að líkjast Patti Smith þegar ég verð eldri. Ég þrái yfirvaraskeggið og allt.“

• Blogga um frétt