Sítrónuvatn er allra meina bót og það er ekki bara fyrir sérvitringa eða jógakennara. Á vefnum MindBodyGreen kemur fram að sítrónuvatn geti bætt heilsu okkur svo um munar.

Það eru svona litlir hlutir eins og sítrónuvatn sem geta gjörbreytt lífi þínu. En það gerist náttúrlega ekki neitt ef þú gleymir því og gerir það bara stundum. Settu safa úr hálfri sítrónu í bolla og helltu sjóðandi heitu vatni út á. Hér fyrir neðan sérðu hvers vegna þú átt að gera þetta.

1. Styrkir ónæmiskerfið. Sítrónur eru ríkar af C-vítamíni sem eru góðar í baráttunni við kvef. C-vítamín styrkir vefi líkamans. 

2. Kemur jafnvægi á PH gildi. Sítrónur eru basískar hvort sem þú trúir því eða ekki. Af öllu nútímafæðinu sem við borðum (öllu hveitinu og sykrinum) verður líkaminn súr. Þess vegna þurfum við að leita leiða til að koma jafnvægi á PH gildið. Þess vegna er gott að drekka sítrónuvatn.

3. Hjálpar þér að grennast. Sítrónur eru með mikið af pectín-trefjum segja okkur að við séum södd. Auk þess hefur það verið sannað að þeir sem borða basískari mat eru fljótari að grennast. Að byrja daginn á sítrónuvatni kemur því jafnvægi á líkamsstarfsemina og ætti að hjálpa þér að halda þér á mottunni það sem eftir lifir dags.

4. Hjálpar til við eiturefnalosun. Heitt vatn örvar meltingarveginn og þarmaveggina sem gerir það að verkum að við losum eiturefni hraðar úr út líkamanum.

5. Virkar eins og náttúrulegt þvaglosunarlyf. Sítrónan hjálpar okkur að skola óæskileg efni út úr líkamanum og þvaglát verða tíðari sem gerir það að verkum að eiturefnin fara hraðar út úr líkamanum. Þvagfærin verða því enn heilbrigðari.

6. Hreinsar húðina. C-vítamínið minnkar hrukkur og minnkar bletti í húðinni. Sítrónuvatn hreinsar eiturefni úr blóðinu og hjálpar húðinni að verða eins falleg og hugsast getur.

7. Styrkir sogæðakerfið. Þessi bolli hjálpar þér að vökva hugann og kemur í veg fyrir ofþornun í nýrnahettunum. Þegar líkaminn er vökvaður verða nýrnahetturnar ekki lúnar sem gerir það að verkum að þú verður hressari og færð aukna orku. Það að drekka einn bolla af sítrónuvatni á dag getur gert róttæka breytingu á lífi þínu. Ekki láta það koma þér á óvart heldur njóttu þess.

Sitrónur eru alveg málið.

Tengdar fréttir

SMARTLAND 12 ÁRA

Fullkomið að byrja að elda kvöldmat strax um morguninn

• Áhyggjulaus og afslöppuð í sumarfríinu
• Funheitur gestalisti á nýjum stað við Hverfisgötu
• Langar í mann en vill ekki hanga á bar til að reyna að finna hann
• Emil og Ása Regins buðu í partí

» Fleiri tengdar fréttir

• Blogga um frétt