Konur með stóran rass heilbrigðari

Kim Kardashian er með stóran og lögulegan afturenda.
Kim Kardashian er með stóran og lögulegan afturenda.

Vísindamenn í Háskólanum í Oxford hafa uppgötvað að konur sem eru með stærri rass en gengur og gerist eru ekki aðeins gáfaðar í meira lagi heldur eru þær einnig ónæmari fyrir langvinnum veikindum.

Haft er eftir ABC News að niðurstöður rannsóknarinnar sýni að konur með stærri afturenda eru líklegri til að vera með minna af kólesteróli í líkamanum og líklegri til að framleiða hormón sem brýtur niður sykur. Þar af leiðandi eru rassstórar konur ólíklegri til að þróa með sér sykursýki og hjartasjúkdóma.

Til þess að vera með lögulegan rass þarf líkaminn einnig að vera með nóg af omega-3-fitusýrum sem hafa góð áhrif á heilann. Rannsóknin leiddi einnig í ljós að börn sem eiga mæður með breiðar mjaðmir eru gáfaðri en börn grannra mæðra.

Rannsóknin tók til 16.000 kvenna.

„Prófessor Konstantinos Manolopoulos, sem leiðir rannsóknarteymi háskólans í Oxford, sagði að konur með stóran rass væru með minna af kólesteróli í líkamanum og glúkósa,“ samkvæmt ABC News.

Svipuð rannsókn fór fram í háskólanum í Kaliforníu og Pittsburg ekki alls fyrir löngu. Niðurstöður þessara rannsókna leiddu í ljós að konur með stóran rass, breiðar mjaðmir og minna mitti geta jafnvel lifað lengur.


mbl.is