Töflur sem láta prump ilma eins og jólin

Það er ekki beint dömulegt að leysa vind, hvað þá illa lyktandi vind, á mannamótum. Það vitum við. En frakkinn Christian Poincheval gæti komið þeim sem þjást gjarnan af vindgangi til hjálpar. Hann hefur nefnilega hannað pillu sem lætur prump ilma vel.

Töflurnar fást í nokkrum mismundandi tegundum, ein tegundin lætur prump ilma eins og rósir, önnur eins og fjólur og nýjasta tegundin...ilmar sem jólin.

Poincheval segir upprunalegt hlutverk töflunnar ekki hafa verið að láta vindgang ilma vel heldur hafi tölfurnar bara átt að ýta undir góða meltingu. Ilmurinn var bónus sem hefur slegið í gegn.

Töflurnar eru 100% náttúrulegar, þær eru búnar til úr m.a. bláberjum, koli, fenniku og þara. Á heimasíðu Poincheval má finna nánari upplýsingar um töflurnar sem kosta um 1.500 krónur.

Jólin ilma dásamlega.

• Blogga um frétt