Leikfimisdrottningin Anna Eiríksdóttir í Hreyfingu ætlar að hjálpa lesendum Smartlands Mörtu Maríu að komast í form næstu 12 vikurnar. Vikulega mun Anna birta líkamsræktarmyndbönd sem lesendur geta farið eftir heima hjá sér. Myndböndin verða aðgengileg og einföld og það eina sem þú þarft að gera lesandi góður er að standa upp úr stólnum og hreyfa þig eins og Anna.
Lesendur Smartlands Mörtu Maríu þekkja Önnu vel enda hefur hún hjálpað lesendum að koma sér í form. Fyrst í átakinu 10 árum yngri á 10 vikum, þar sem þátttakendur fóru eftir samnefndri bók Þorbjargar Hafsteinsdóttur, og svo í Stjörnuþjálfun. Í bæði skiptin náðu þátttakendur góðum árangri.