Skvass var á dögunum valið heilsusamlegasta íþróttin af tímaritinu Forbes Magazine. Er íþróttin sögð henta nútímafólki á hraðferð afar vel en talað er um að maður brenni í kringum eitt þúsund og fimmhundruð kaloríum í klukkustundar skvassi. Myndi því einungis hálf klukkustund gera mjög mikið gagn. Hreyfingin er einnig mjög fjölþætt og tekur nánast á öllum vöðvahópum líkamans. Í skvassinu ertu ávallt með félagsskap en einnig er algengt að þrír eða fleiri spili saman og skipti ört inná. Sem sagt íþrótt sem allir ættu að prófa – sértaklega þeir sem vilja kúlurass en áhrif íþróttarinnar þykir hafa einkar góð áhrif á maximus gluteus vöðvann.