Nýjustu rannsóknir hafa sýnt fram á það að kaffidrykkja hefur áhrif á sykurþörf fólks. Women's Health greinir frá þessu.

Í rannsókninni var þátttakendum skipt upp í tvo hópa þar sem annar drakk venjulegt kaffi og hinn koffínslaust kaffi. Kaffibollar allra þátttakenda voru með jafnmiklum viðbættum sykri og þeir vissu ekki hvora tegundina af kaffi þeir drukku.

Þó svo að magn sykurs í kaffibollunum hafi verið það sama sagði koffíndrykkjufólkið kaffið vera minna sykrað en fólkið sem drakk koffínslausa kaffið. 

Rannsóknin gefur það til kynna að koffín deyfi sykurskynjara líkamans þannig að við finnum ekki eins fyrir sykruðu bragði. Þetta gæti leitt til þess að borða meira af sætindum en venjulega til þess að fullnægja sykurþörfinni.

Þeir sem drekka kaffi alla morgna eru því mun líklegri að vera meira fyrir sætindi en aðrir.