Næringarfræðingur stjarnanna segir frá

Besta leiðin til þess að léttast er að gera það á skynsaman hátt og er langhlaup oftar en ekki nefnt í því samhengi. Þeir sem vilja hins vegar losna við nokkur aukakíló geta farið eftir stjörnunæringarfræðingnum Charles Passler. 

Passler hefur ráðlagt stjörnum á borð við fyrirsætunnar Bellu Hadid og Adriönu Lima. New Beuty greinir frá því að hann segi að fólk eigi að nýta sér uppsafnaðan vökva í líkamanum til að grennast. Með því sé hægt að losna við allt að sex kíló á aðeins tveimur vikum. 

Passler segir að hin venjulega manneskja sem er að reyna léttast sé með allt frá tæpum tveimur kílóum upp í sex kíló af uppsöfnuðum aukavökva í líkamanum. Passler segir að ráðið sé bæði öruggt og fljótvirkt. 

Næringarfræðingurinn mælir með að fólk byrji að drekka meira vatn til þess að losa sig við vökvaforðann. Manneskja sem er til dæmis 63 kíló ætti að drekka tvo lítra af vatni á dag. Við vatnsdrykkjuna byrja kílóin að fjúka á tveimur til þremur vikum. Auðvitað virkar þetta ekki jafn-vel ef fólk drekkur nógu mikið af vatni nú þegar. 

Passler segir að ef ekki er drukkið nógu mikið af vatni reyni líkaminn að halda í vatnsforðann til þess að koma í veg fyrir vökvaþurrð. Auk vatnsdrykkjunnar mælir hann með því að fólk forðist salt og máltíðir sem innhalda bara kolvetni.