Izabel Goulart er þekkt fyrir fyrirsætustörf sín, ekki síst fyrir Vicoria Secret. Hún hefur vakið mikla athygli að undanförnu fyrir að vera í frábæru formi. Hún segir lykilinn að því að setja sig í fyrsta sæti, að vinna daglega að líkamlegri og andlegri vellíðan.
Daily Mail birti myndir af Goulart um þessar mundir og mælir með Instagram-síðu hennar þar sem hún er góð að gefa ráð og miðla til annarra þekkingu sinni.
Hér koma nokkrir hlutir sem hún mælir með að gera:
Gerðu æfingarnar skemmtilegar
Goulart elskar að vera úti og gera æfingar á ströndinni. Hún mælir með því að finna stað sem gefur orku og nota hann til að æfa það sem skiptir máli. Aðalmálið sé að skemmta sér og hafa gaman þegar maður æfir líkamann.
Finndu þína íþrótt
Goulart mælir með að finna sér íþrótt sem maður hefur áhuga á. Hún er dugleg að fara út að hlaupa, en æfir einnig tennis og fleira sem hún hefur áhuga á. Hún segist hafa prófað margar íþróttir, svo sem fótbolta, körfubolta og fleira.
Æfðu inni og úti
Goulart fer mikið út að hlaupa en er svo dugleg að gera styrktaræfingar inni. Hún mælir með hlaupum úti og Pilates inni. En þitt er valið.
Settu þig í forgang
Að mati Goulart er alltaf tími og stund fyrir þig. Hvort heldur sem er í flugvél, í vinnu eða á kvöldin. Finndu leiðir til að hreyfa þig og gerðu það að vana.
Sem dæmi má nota verslunarleiðangra til að labba nokkra auka hringi, eða leika sér með börnunum í körfubolta á kvöldin. Ef þú lítur á lífið sem eitt stórt tækifæri, þá sérðu leiðir.
Mataræði mikilvægt
Goulart segir að hún trúi ekki á öfgar þegar kemur að mataræði og mælir með ferskum mat og miklu af grænmeti. Hún er dugleg að drekka djúsa sem hún býr til á morgnana. Í þessu segir hún mikilvægt að gera breytingar til lengri tíma. Enginn megrunarkúr í viku getur reddað hlutunum fyrir okkur. Lífsstílsbreytingar eru eina leiðin.
Félagsskapurinn skiptir máli
Að mati Goulart skiptir miklu máli að vera í góðum félagsskap að æfa. Með vinum og kunningjum sem leggja svipaða áherslu á heilsuna og þú gerir. Það getur einnig verið áhugavert að umgangast þá sem eru komnir lengra en þú. En að hennar mati er mikilvægt að skoða hvernig lífsstíll fólks er að hafa áhrif á það. Ef einhverjum líður vel og lítur vel út, þá er hann að gera eitthvað rétt að hennar mati.