Lagaði nærbuxurnar og fékk flottari rass

Rassamyndir hafa sjaldan verið jafnvinsælar á samfélagsmiðlum. Önnur hver kona virðist gera fátt annað í ræktinni en rassaæfingar og mynda síðan rassinn eftir æfingu. Það eru þó ekki bara endalausar æfingar sem láta rassinn líta út fyrir að vera stóran og flottan.

Karina Irby sýndi á Instagram hversu auðveldlega er hægt að blekkja með réttu brögðunum. Irby birti tvær myndir af rassinum á sér sem teknar voru með stuttu millibili. Á annarri myndinni virðist hún vera með stærri rass og mjórra mittið. 

Það eina sem Irby gerði hins vegar var að toga nærbuxurnar hátt upp. Irby segir fólki að láta ekki blekkjast, þetta sé algengt bragð meðal líkamsræktarfyrirsæta á Instagram. Hún bendir einnig á að stellingin skipti öllu máli. 

Hún hvetur síðan fólk til þess að leggja hart að sér og bera sig ekki saman við aðra. 

• Blogga um frétt