Ekki eyðileggja jörðina með hreinsiefnum

„Þann 22. apríl var alþjóðlegur DAGUR JARÐAR og í dag þann 25. apríl er DAGUR UMHVERFISINS hér á landi. Þessir dagar ættu að vera hvatning til okkar um að hugsa betur um umhverfi okkar.

Ýmsar leiðir eru farnar til að gera það eins og til dæmis að tína upp rusl á víðavangi, sem virðist alltaf vera nóg af. Stundum er líka gott að byrja innandyra og skoða hvort ekki sé rétt að skipta úr hreinsiefnum heimilisins, til að þau hafi hvorki skaðleg áhrif á umhverfið né heilsu okkar. Rannsóknir í Bandaríkjunum hafa sýnt að konum þar er hættara við brjóstakrabbameini en víðar annars staðar og eru tilfellin tíðari meðal húsmæðra, sem anda mikið að sér sterkum hreinsiefnum,“ segir Guðrún Bergmann heilsudrottning í sínum nýjasta pistli:

HEILSAN OG UMHVERFIÐ

Heilsan og umhverfið haldast gjarnan hönd í hönd, því það sem er skaðlegt fyrir jörðina er líka skaðlegt fyrir líkamann. Því er mikilvægt að velja hreinlætisvörur sem innihalda hvorki efni sem eru skaðleg líkamanum við innöndun, né efni sem sem skaða ferskvatn eða sjó með mengandi innihaldsefnum.

Vörurnar frá Sonett eru frábær valkostur og það er engin afsökun að segja að þetta „umhverfisvæna dót þvoi ekki nógu vel“, eins og stundum er gert. Fyrirtæki eins og Sonett hafa í áraraðir þróað vandaðar og vottaðar vörur, sem unnar eru úr lífrænum og Demeter-vottuðum jurtahráefnum.

100% NIÐURBROT Í NÁTTÚRUNNI

Við framleiðsluna á Sonett eru hvorki notuð rotvarnarefni, ilmefni né kemísk litarefni. Vörurnar innihalda heldur ekki ensím og yfirborðsvirk efni og bleikiefnin eru án klórs. Vegna þessarar samsetningar á innihaldsefnum er 100% niðurbrot á Sonett vörunum í náttúrunni. Sú staðreynd er sérlega mikilvæg því þá skaða þær hvorki jarðveg né ferskvatn og sjó.

VÖRULÍNAN ER BREIÐ

Þú finnur allt til að láta heimilið glansa og ilma dásamlega í Sonett vörulínunni. Í vörurnar eru notaðar náttúrulegar ilmkjarnaolíur, sem unnar eru úr vottuðum lífrænt ræktuðum jurtum. Sjaldgæft er að olíurnar valdi ofnæmisviðbrögðum og því eru vörurnar öruggar fyrir nánast alla. 

Hvort sem þú þarft alhreinsi, handsápur, gólfsápur, glerúða, uppþvottalög, uppþvottavélatöflur, þvottaefni eða salernishreinsi, finnurðu allt í Sonett vörulínunni. Ef þú ert með sveppavandamál í heimkynnum þínum er frábært að nota sótthreinsiúðann frá Sonett. Úðinn er framleiddur úr alkahóli og ilmkjarnaolíum og eyðir á áhrifaríkan hátt sveppa- og bakteríugróðri, salmonellu o.fl. Honum má úða á rök svæði, meðal annars gluggakistur, baðherbergi, rúmdýnur og fleira.

• Blogga um frétt