Heilandi áhrif sundlauga

Hefurðu velt því fyrir þér af hverju fólk sem fer reglulega í sund lítur eins vel út og raun ber vitni? Virðist vera í betra formi, rólegra og ánægðra eftir að það tekur upp á því að synda reglulega. Hér koma svörin við því.

Það eru til fjölmargar leiðir til að gera það að lifa og búa á Íslandi ánægjulegra. Eitt af því sem heillar fólk sem kemur erlendis frá er hvað við erum mikil sundþjóð. Hversu margar sundlaugar við erum með í okkar litla samfélagi og hvernig við virðumst geta farið í sund í hvaða veðri sem er.

Þessi grein fjallar um nokkur atriði sem reglulegar sundferðir hafa áhrif heilsufarslega á fólk.

Brennir kaloríur

Sund er einstaklega hentugt ef fólk hefur áhuga á að brenna kaloríum. Sund reynir á mjög marga vöðva líkamans og er öll hreyfing í vatni til þess gerð að vera ljúf og þægileg. Þú getur eytt allt að 800 - 900 kaloríum á klukkustund með því að synda. Það er því ekki að undra að fólk velji þessa leið til að halda sér í formi.

Eflir ónæmiskerfið

Þeir allra öflugustu hafa vanið sig á að vera í útiklefa allan ársins hring. Þetta fólk er duglegt að stunda kalda pottana í laugunum og hefur náð að breyta hvítu fitunni í brúna. Með því móti heldur líkaminn betur hita á sér. Hann verður fallegri í laginu og fólk virðist vera hressara yfir daginn eftir að það kemst upp á lagið með þetta.

Minnkar streitu

Það að synda kemur þér í ákveðið hugleiðsluástand sem gerir það að verkum að þú slakar á og nærð að tengja betur inn á við. Sund er talið minnka álag og streitu. Dreifa huganum og hjálpar fólki að beina athygli inn á við, í líkamann sinn.

• Blogga um frétt