Hugsum hægar í hita

Niðurstöður nýrrar rannsóknar sem gerð var í Boston í Bandaríkjunum benda til þess að við hugsum hægar í hitabylgjum. Rannsóknin var gerð meðan á hitabylgju stóð þar vestanhafs. Þá voru bornir saman tveir hópar háskólanema, annar hópurinn bjó í húsi með loftkælingu og hinn hópurinn bjó í húsi án loftkælingar. 

Nemendurnir fengu einföld stærðfræðidæmi send í símann sinn tvisvar á dag. Hópurinn sem bjó í húsi án loftkælingar var að meðaltali lengur að svara og náði ekki jafnhárri einkunn fyrir dæmin og hópurinn sem bjó við loftkælingu. Hitinn hjá þeim sem voru með loftkælingu var 21 gráða að meðaltali en hitinn án loftkælingar fór upp í 26 gráður. 

Hitinn einn og sér er veldur þó ekki hægari hugsanagangi, heldur benda rannsakendur á að umhverfis- og líkamlegir þættir ráði. Loftræsting, meira vökvatap og öðruvísi svefnvenjur vegna hita geta einnig haft áhrif á hraða hugsana og hæfni til að leysa stærðfræðidæmi. 

Það er margt sem fylgir hitanum sem getur haft áhrif á hæfni okkar að takast á við stærðfræðidæmi. mbl.is/Pexels

• Blogga um frétt