Kaffi ekki alltaf lausnin

Það kann að hljóma eins og góð hugmynd eftir nokkra bjóra að fá sér bara einn kaffi og keyra svo heim. Staðreyndin er hins vegar sú að það virkar ekki og það er vísindalega sannað. 

Frétt af mbl.is

Hræðileg hugmynd að æfa þunnur

Fram kemur í grein Independent um málið að þó svo fólki finnist það vera meira vakandi eftir að hafa drukkið koffíndrykk þá breyti það ekki áhrifum áfengisins á viðbrögð líkamans. Eina sem virkar þegar kemur að því að að láta renna af sér er því tími. 

Gerð var tilraun á fólki sem var undir áhrifum, eftir að hafa drukkið sterkan kaffibolla leið því eins og það væri meira vakandi en áður. Það féll þó á sama prófi og áður en það drakk kaffibollann. 

Fólk vaknar ekki alltaf edrú eftir langa vöku og stuttan svefn og er ýmislegt annað en kaffi sem getur hjálpað fólki að láta renna fyrr af sér. Þegar fólk vaknar ætti það til dæmis að borða næringarríkan mat þó að líkaminn þrái ekkert annað en hamborgara og franskar. Að drekka vatn hjálpar líka. 

Kaffi lagar ýmislegt en ekki áhrif áfengis. AFP

• Blogga um frétt