Baron Baptiste er heimsþekktur jógakennari sem hefur unnið meðal annars með Gwyneth Paltrow. Hann hefur gefið út fimm bækur og verið tilnefndur á „best sellers list“ hjá New York Times. Hann var staddur á Íslandi á dögunum að taka þátt í opnun nýrrar jógastöðvar Iceland Power Yoga. Húsið var fullt af jógum sem fylltu meðal annars nýja sal stöðvarinnar í hjarta Kópavogs. Baron Baptiste mætti eins og fyrr segir á staðinn og kenndi Íslendingum kraftmikinn, hvetjandi og bráðskemmtilegan tíma.
Allur ágóði tímans rann til „Africa Yoga Project“ sem er staðsett í Nairobi, Kenya. Verkefnið veitir þeim sem koma frá fátækustu hverfum borgarinnar styrk og tækifæri til að læra jógakennarann og gera það að atvinnu sinni.
Stöðin opnar formlega 25. ágúst með tíma kl. 11 og er hægt að skrá sig á heimasíðunni.