Smartland Mörtu Maríu | Heilsa | mbl | 3.9.2018 | 21:00

Veistu hvað breytist við tíðahvörf?

„Um þetta, svo og margt fleira, meðal annars hvað við getum gert til að tryggja lífsgæði okkar sem lengst, fjalla ég á kvöldnámskeiði 3. september,“ segir Guðrún Bergmann. mbl.is/Árni Sæberg

„Konur hætta ekki bara að hafa blæðingar og missa getuna til að eignast börn við tíðahvörf. Það er svo ótalmargt annað sem breytist þegar estrogen-framleiðslan minnkar. Sú minnkun hefur áhrif á aðra starfsemi líkamans, meðal annars á starfsemi heilans. Vísindamenn víða um heim hafa leitt að því líkum að við tíðahvörf byrji oft breytingar á heila, sem síðar meir geti leitt til Alzheimer’s-sjúkdómsins, en í dag eru helmingi fleiri konur sem greinast með hann en karlar,“ segir Guðrún Bergmann í sínum nýjasta pistli:

TÍÐAHV0RF MARKA KAFLASKIL

Konur fara á mjög mismunandi hátt í gegnum það ferli í lífi sínu sem tengist tíðahvörfum. Í raun hefst það nokkru áður en blæðingar hætta alveg og svo tekur við tímabilið eftir að þær eru alveg hættar. Sumar konur svitna mikið og fá hitakóf við erfiðustu kringumstæður. Aðrar eiga erfitt með svefn. Enn aðrar verða þunglyndar og kvíðnar og loka sig jafnvel af og vilja sem minnst samskipti við aðra hafa.

Það er eðlilegt að tilfinningasveiflurnar séu miklar, því þótt mörgum konum leiðist hinn mánaðarlegi blæðingatími, er hann merki um frjósemi og möguleikann til að geta af sér afkvæmi. Við tíðahvörf endar það tímabil og á vissan hátt fylgir því ákveðin sorg, sem þarf að vinna með.

BÆTIEFNI OG FÆÐA GETA BREYTT MIKLU

Beingisnun er, auk framgreindra heilsufarsvandamála, eitt af þeim einkennum sem tengd hafa verið við tíðahvörf hjá konum. Konum er oft hættar við beinbrotum en körlum á efri árum, aðallega í kringum mjaðmir.

Sem betur fer er margt sem hægt er að gera til að takast á við þessi tímamót og sporna við því að þau hafi eyðileggjandi áhrif á heilsuna á komandi árum. Ýmsar fæðutegundir eins og bláber og engifer eru styrkjandi fyrir líkamann og heilaheilsuna. Það eru líka þó nokkuð mörg bætiefni eins og til dæmis Ultra B-12 og C-vítamín með Rosehips frá NOW, svo eitthvað sé nefnt.

Á námskeiðinu mun ég fara nánar í allar fæðutegundirnar, í hreyfinguna sem skiptir máli og fjalla um þau bætiefni sem styðja við aukin lífsgæði okkar kvenna á efri árum.