Klámmyndastjarnan Jenna Jameson hefur misst rúm 28 kíló síðan hún byrjaði á ketó-mataræðinu. Jameson hefur verið dugleg að segja frá árangri sínum á samfélagsmiðlum.
Jameson segir að mataræðið hafi hjálpað sér að bæta líðan sína, látið sér líða eins og hún væri klárari og sjálfsöruggari en það hafi oft reynt á. Að sögn Jameson reyndi það töluvert á andlegu hliðina að grenna sig og segir að hún hafi hatað að fara út úr húsi þegar hún var þyngri. Hún hafði heldur ekki trú á því að hún gæti létt sig. „Ég get sagt að andlega líðanin er sterk. Mér líður eins og ég geti gert allt,“ skrifaði Jameson á Instagram.
Stjarnan byrjaði á mataræðinu þegar hún fór að huga að því að grenna sig eftir að hún eingaðist sitt þriðja barn í apríl í fyrra. Hún komst að því á mataræðinu að líkami hennar vildi að hún væri tæp 57 kíló. Þyngst var hún 85 kíló og ekki ólétt. Það var ekki draumaþyngd Jameson sem vildi vera einungis 50 kíló. Hún áttaði sig sem betur fer á að hún þyrfti ekki að vera í stærð 0 til þess að vera elskuð.
Jameson fastar meðfram því að vera á mataræðinu og segist í dag sjá heilbrigði og hamingju þegar hún líti í spegil.