Margir tönglast á því að þeir vilji léttast. Raunin er hins vegar sú að vigtin segir bara hálfan sannleikann. Þessu komst fitnessbloggarinn Christina Basil að þegar hún var búin að æfa í næstum því tvö ár og varð aftur jafnþung og þegar hún byrjaði.
Á fyrir- og eftirmynd sem Basil birti á Instagram í febrúar sést greinilega munur á líkama hennar enda er hún ekki bara grennri heldur líka vöðvastæltari á myndinni sem var tekin seinna. Hún er samt 63 kíló á báðum myndunum.
Basil greinir frá því að í fyrstu hafi hún sett sér það markmið að verða 54 kíló. Í byrjun greindi hún vel og skilmerkilega frá því hversu mörg kíló væru farin. Ef markmiðið gekk ekki eins vel og hún vildi borðaði hún færri kaloríur og var orkulítil.
„Vigtin skilgreinir ykkur ekki,“ segir Basil og minnir konur á að vigtin segi ekki til um hversu mikið fólk grennist eða styrkist.