Þjálfari Kim jafnþungur og áður en sterkari

Melissa Alcantara þjálfar stjörnur á borð við Kim Kardashian en Alcantara veit manna best að talan á vigtinni segir ekki allan sannleikann. Það er ekki langt síðan hún var of þung og þó að fyrsta markmið hennar miðaði að því að grennast átti það eftir breytast. 

Alcantara birti tvær myndir af sér hlið við hlið á Instagram í september þar sem hún var 65 kíló á báðum myndum en líkamlegt atgervi hennar var þó allt annað. Markmið Alcantara breyttust fljótlega eftir að hún hafði náð af sér meðgöngukílóunum og byrjaði hún að leggja meiri vinnu í ræktina og lagði áherslu á að styrkja sig. Það þýðir kannski að hún er jafnþung og þegar hún hugsaði bara um að vera grönn en hún er mun hraustari. 

Kim Kardashian er í góðu formi. AFP

• Blogga um frétt