Fólk fitnar ekki bara af því það kaupir alltaf kvöldmat í lúgusjoppu. Það má einnig kenna hormónaójafnvægi um það að fólk bæti á sig þrátt fyrir að það hámi í sig ávexti og hamist í ræktinni eins og næringarfræðingur benti á í viðtali við MyDomaine.
Stress
Stress veldur þyngdaraukningu og ekki bara vegna þess að fólk borðar óhollara og drekkur jafnvel meira. Hátt gildi stresshormóna sem eru alltaf til staðar er um að kenna en fólk meltir ekki jafn vel og brennslan minnkar. Í slíkum tilvikum er gott að byrja á að hætta að innbyrða koffín auk þess sem fólk er hvatt til þess að gera eitthvað sem fær það til að slaka á, hvort sem það er að fara í ræktina eða fara í bað.
Fæði með miklum sykri
Þrátt fyrir að fólk sé ekki alltaf að borða nammi getur það verið að borða mikinn sykur enda leynist sykur í hinum ýmsu matvörum. Það getur verið ástæðan fyrir að fólk fitni vegna hormónaójafnvægis.
Ólífrænar dýraafurðir
Næringarfræðingurinn bendir á að kjöt sé eitt af því sem auki estrógen í líkama kvenna og karla. Þegar það er of mikið af estrógeni og of lítið af prógesteróni í líkamanum er auðvelt að bæta á sig nokkrum aukakílóum. Segir hann betra að neyta lífrænna dýrafurða í stað hefðbundinna þar sem sem dýrum er oft gefið hormón til þess að stækka.