Leikkonan og athafnakonan Jessica Alba eignaðist sitt þriðja barn um síðustu áramót en er komin aftur í hörkuform. Hún hefur ekki mikinn tíma til að æfa en stundum er hálftími alveg nóg eins og sést á hlaupaplani sem hún deildi með aðdáendum sínum á dögunum.
Alba segist vera slæm í hnjánum svo hún á erfitt með að hlaupa. Hún kýs þó að eyða dýrmætum hálftíma í brennsluæfingar á hlaupabretti en það fer betur með hnén ef hún stillir á smá halla á hlaupabretti.
Hálftíma hlaupaplan Jessicu Alba
Ein mínúta á hraða þrjú, tvær mínútur á hraða 7. Halli tvö. Endurtekið í 24 mínútur.
30 sekúndur á hraða þrjú, ein mínúta á hraða 7,5. Halli eitt. Endurtekið í sex mínútur.
Eftir hálftíma spretti mælir Alba með því að stilla á aðeins meiri halla, eða halla tvö og hlaupa rólega á hraða þrjú í fimm mínútur.