Óskarsverðlaunaleikkonan Brie Larson er í hörkuformi og er enginn byrjendabragur á magaæfingunum sem hún framkvæmir. Larson er nýbúin að leika ofurhetju en er þó ekki hætt að æfa þó svo tökum sé lokið.
Larson virðist meðal annars leggja áherslu á að styrkja miðjuna. Í nóvember hefur hún deilt tveimur æfingamyndböndum af sér á Instagram sem eiga það sameiginlegt að reyna vel á sterka miðju.
Óhætt er að segja að ekki sé mælt með æfingu Larson fyrir fólk sem er að byrja að hreyfa sig enda auðvelt að gera erfiðar æfingar eins og þessar og meiða sig.