Fór í aðgerð og uppgötvaði nýja leið

Harpa Hauksdóttir.
Harpa Hauksdóttir. mbl.is/Kristinn Magnússon

Harpa Hauksdóttir hefur óþrjótandi áhuga á heilsu og góðum lífsstíl. Eftir að hafa þurft að fara í aðgerð á fæti og fengið skjótan bata með LPG-tækinu ákvað hún að kaupa Líkamslögun sem sérhæfir sig í húðmeðferðum með tækinu. 

„Fyrir nokkrum árum þurfti ég að fara í smá aðgerð vegna æðaþrengsla á fæti. Læknirinn minn mælti með því að ég færi í LPG-tækið eftir aðgerðina til þess að fá meira líf í sogæðakerfið. Eftir nokkra tíma spurði sú sem var með mig í meðferðinni hvort ég sæi ekki mikinn mun. Mér fannst þetta skringilega orðuð spurning og sagði við hana að mér liði miklu betur, bólgurnar væru farnar og ég væri ekki með jafn mikinn bjúg. Þá sagði hún, en sérðu ekki muninn á húðinni? Þá fór ég að skoða hana og sá að húðin leit miklu betur út. Appelsínuhúðin var nánast horfin og húðin orðin miklu þéttari og fallegri. Þetta kom mér mikið á óvart því ég fór bara í LPG-tækið vegna þess að læknirinn vísaði mér þangað eftir aðgerðina,“ segir Harpa. Eftir þetta vaknaði forvitni og vildi hún vita meira um þetta tæki sem hafði hjálpað henni svo mikið. Það leiddi til þess að hún keypti fyrirtækið Líkamslögun sem er nuddstofa sem sérhæfir sig í sogæðanuddi. LPG-tækið er notað í húðmeðferðum, bæði fyrir andlit og fyrir líkama. 

„Ég er búin að fara tvisvar til Frakklands og læra og verð alltaf meira og meira heilluð af þessari tækni, hún hreinlega virkar. Ég var að taka inn eitt tæki í viðbót og er nú með þrjú tæki. Það er magnað hvað eitt tæki getur haft stór áhrif á líkamann og meðfram annarri hreyfingu hreinlega skipt sköpum í líðan,“ segir hún. 

Áður en Harpa festi kaup á Líkamslögun rak hún meðal annars Grand Spa á Grand hóteli og þekkir hún því vel til í líkamsræktarheiminum. Hún reynir að hugsa vel um sig og vill líka muna að það þarf ekki að æfa marga tíma á dag til þess að ná árangri. 

„Ég hef alltaf æft og í raun prófað allt mögulegt þegar kemur að heilsu og líkamsrækt. Ég hef fundið út að þessi hálftími á dag ef ekki er meiri tími gerir heilmikið og að halda sér við efnið er áhrifaríkara en að æfa daglega eins og fara eigi í maraþon í fyrramálið. Þá nefnilega er maraþonið minna mál. Og eftir þessu ætla ég að fara nú þegar ég hef gefið út að taka þátt á næsta ári,“ segir hún. 

Ljósmynd/Hulda Margrét Óladóttir

Þegar Harpa er spurð að því hvort íslenskar konur séu uppteknar af útliti sínu segir hún að þær séu bara mátulega uppteknar. 

„Ég er í hópnum sem bætir auðveldlega á sig og þarf að hreyfa mig mikið til þess passa í litlu buxurnar mínar,“ segir hún og hlær og segist sífellt vera að ala sjálfa sig upp og vera ekki of upptekin af því. Hún segir að kynsystur hennar séu miklu meira uppteknar af því að vera heilsuhraustar. 

„Það er gaman að sjá hvað öll umfjöllun um heilbrigði og nýjar leiðir til heilbrigðis vekja mikla athygli. Vellíðan og heilbrigði skila sér svo sem auka bónus fallegu útliti og sjálfstrausti. Þær sem hugsa vel um húðina og mataræði sitt hafa betra sjálfstraust og líður betur.“

Hvað gerir þú sjálf til að vera heilsuhraustari?

„Ég reyni að vera meðvituð frá degi til dags og reyni að hreyfa mig 2 - 4 sinnum í viku. Fyrir nokkrum árum fór ég að stunda sjósund sem er frábært. Ég er ekki í hópi þeirra sem synda sem lengst en ég syndi eitthvað og nýt þess að hafa þennan aðgang að ströndinni. Segi samt eins og allir hinir sem eru að busla þarna, vá hvað það væri gaman að hafa lengri opnunartíma. Ég fer svo auðvitað líka reglulega í LPG-tækið bæði með líkama og andlit,“ segir hún. 

Þegar hún er spurð út í mataræði sitt segist hún gæta þess vel að borða sjaldan unnar matvörur og meira lífrænt. Hún er þó ekki heilög og borðar súkkulaði stöku sinnum.  

„Skilaboðin um hvað við eigum og eigum ekki að borða eru oft ansi misvísandi. Ég held að það sem henti einum henti ekki öðrum. Ég er smám saman að finna út hvað fer best í mig enda ekki seinna vænna komin vel yfir tvítugt,“ segir hún og hlær. 

Hvernig heldur þú þér í formi?

„Ég æfi eins og áður segir nokkuð reglulega og finn þegar æfingin dettur út hvað hún hefur mikið að segja. Ég á þann draum að hlaupa hálfmaraþon og ætli það sé ekki bara best að gera það að markmiði hér og nú að hlaupa eitt svoleiðis á næsta ári á menningarnótt,“ segir hún. 

Harpa segist drekka tvö glös af sítrónuvatni á hverjum morgni. 

„Ég er alltaf með sítrónuvatn í könnu inni í ísskáp með lífrænni sítrónu. Ég geng svo nánast sofandi að ísskápnum og drekk þessi tvö glös, svo geri ég boost sem samanstendur af, engifer og helling af honum, þeim berjum sem ég á til í frysti, próteini, möndlum og rauðrófudufti. Ég geri yfirleitt nóg til þess að eiga í 2 - 3 daga og fæ mér glas daglega.“

Hver er mesta bylting í bjútíheiminum á síðustu árum?

„Er það ekki þessi tækni sem gerir svo mikið fyrir okkur? Og þar kemur LPG sterkt inn,  þegar meðferðin er alveg náttúruleg eins og hún er með LPG þá er um að gera að nota hana og taka tímann sem þarf fyrir sjálfa sig til þess að nýta nýjungar móralslaust,“ segir hún. 

Ljósmynd/Hulda Margrét Óladóttir
mbl.is

Eva Dögg og Stefán Darri nýtt par

10:52 Vegan mamman og Brauð & Co snillingurinn Eva Dögg Rúnarsdóttir og handboltakappinn Stefán Darri Þórsson eru nýtt par ef marka má samfélagsmiðla. Meira »

„Get ekki hætt að miða mig við aðra!“

05:00 Málið er hins vegar sú hugsun sem er föst innra með mér sem snýst um að aðrir hafi það betra en ég. Eftir að samfélagsmiðlar urðu hluti af lífinu (jamm er 45 ára) þá er ég föst í að miða mig við fólk á mínum aldri, fólk sem er aðeins yngra, fólk sem á betri bíla, skemmtilegri maka, fer í fleiri ferðir og upplifir meiri sigra. Meira »

Ódýrt og svalt gólfefni sem má setja á veggi

Í gær, 21:00 Spónaparket var vinsælt gólfefni á níunda og tíunda áratug síðustu aldar en með tilkomu plastparketsins hvarf það úr íslenskum verslunum. Meira »

Svona massar þú sumartískuna með stæl

Í gær, 18:00 Það tekur á að vera í takt við tískuna. Smartland auðveldar þér það, en hér er samantekt á flottustu trendunum í sumar.  Meira »

Í hnébeygju yfir klósettinu

Í gær, 14:00 Þjálfarinn hennar Kate Beckinsale lætur hana gera hnébeygjur yfir klósettinu.   Meira »

Íþróttaálfurinn og Gylfi á Maldíveyjum

í gær Íþróttaálfurinn Dýri Kristjánsson og Gylfi Þór Sigurðsson landsliðsmaður í fótbolta eru báðir á Maldíveyjum í brúðkaupsferð ásamt eiginkonum sínum. Þessi tvennu hjón eru þó alls ekki í sömu brúðkaupsferðinni. Meira »

„Fá þau fyrsta skammtinn frían?“

í gær Íslensk móðir hefur áhyggjur af dóttur sinni sem er 16 ára og veltir fyrir sér hvernig koma megi í veg fyrir að dóttir hennar dópi sig. Meira »

Þetta er konan sem skipulagði brúðkaupið

í fyrradag Hjónin fengu hina bresku Charlotte Dodd til að skipuleggja brúðkaupið sitt. En þess má geta að hún þykir sú allra færasta á sínu sviði í Bretlandi um þessar mundir. Fyrirmynd hennar er hinn skemmtilegi Franck úr kvikmyndinni Father of the Bride. Meira »

Fáðu magavöðva eins og Cindy Crawford

í fyrradag Fyrirsætan Cindy Crawford hefur fært sig úr líkamsræktar-DVD-diskunum yfir á Instagram þar sem hún sýnir sínar uppáhaldsæfingar. Meira »

Þessir mættu í VIP-teiti COS

í fyrradag Sænska fatamerkið COS opnaði nýlega verslun á Íslandi en á fimmtudagskvöldið var sérstök opnun fyrir VIP-gesti.   Meira »

Glæsiíbúð við Vatnsholt í Reykjavík

24.6. Við Vatnsholt í Reykjavík stendur stórglæsileg efri sérhæð sem er fallega og smekklega innréttuð.   Meira »

Ræður ekkert við sig og fer í sund daglega

24.6. „Ég hef tvívegis verið greind með sortuæxli en næ ekki alveg að stjórna hegðun minni tengdri sól. Málið er að ég var hér á árum áður mikið í ljósum og varð alltaf að vera brún.“ Meira »

Bárður og Linda Björk giftu sig í gær

23.6. Bárður Sigurgeirsson húðlæknir hjá Húðlæknastöðinni og Linda Björg Árnadóttir fatahönnuður og eigandi Scintilla gengu í hjónaband í gær. Meira »

„Gróðurinn dregur mann til sín“

23.6. Garðurinn hennar Sjafnar Hjálmarsdóttur þykir bera af enda mjög vel um hann hugsað. Hún segir samt ekki þurfa að hafa mikið fyrir plöntunum í dag. Meira »

Hefur búið í þremur íbúðum á sjö árum

23.6. Kristín Sólveig Kristjánsdóttir læknir að mennt er ákaflega fær í samskiptum og segir að gott heimili sé sá staður þar sem fólk dettur inn um dyrnar og þar sem er gott hjartarúm. Meira »

Svona býr Bergþóra Guðnadóttir

23.6. Bergþóra Guðnadóttir hönnuður vinnur vanalega á morgnana heima þar sem hún er með góða aðstöðu í fallegu rými.   Meira »

Vinkonan alltaf að metast hver sé sætust

23.6. „Þegar við förum út á lífið saman, er hún heltekin af því að bera sig saman við aðrar konur og metur það yfirleitt svo að hún er sætust.“ Meira »

6 lífsráð Dakota Fanning

22.6. Leikkonan Dakota Fanning segist aldrei verða týpan sem borðar ekki sykur eða kolvetni.   Meira »

Kærastinn Jamie fagnaði með Lindu Pé

22.6. Linda Pétursdóttir fyrrverandi alheimsfegurðardrottning og athafnakona útskrifaðist í dag með BA gráðu í heimspeki, hagfræði og stjórnmálafræði. Meira »

Furðulegir hattar á veðhlaupakeppninni

22.6. Konunglega veðhlaupakeppnin hefur verið sannkölluð hatta veisla. Elísabet Englandsdrottning lætur sitt ekki eftir liggja.  Meira »

Geta gæludýraeigendur átt falleg húsgögn?

22.6. Litlu loðbörnin eiga það til að tæta upp arma á stólum og jafnvel naga sig djúpt ofan í sessur og púða. Að ekki sé talað um hárin sem dreifast um alla íbúð. Meira »