Fyrirsætan Bella Hadid er þekkt fyrir undurfagran líkama, en það sem fáir vita er að hún er einnig gædd stórkostlegum kostum á andlega sviðinu. Eftirfarandi eru heilsuráð í hennar anda.
Bella Hadid veit að það að vera tiltækur fyrir aðra gefur lífinu tilgang. Fyrir síðasta þakkargjörðardag tók hún þátt í að útbúa fimm hundruð máltíðir fyrir heimilislausa með kristilegu samtökunum Bowery Mission.
Hadid hleypur í 20 mínútur, síðan æfir hún box og lyftir lóðum. Hún er öguð í æfingum og vinnur með einkaþjálfara. Hún er mikið fyrir íþróttir og hefur m.a. verið dugleg á hestbaki síðan hún var ung stúlka.
Hadid borðar 30 mínútum fyrir hverja æfingu og síðan er hún dugleg að borða prótín eftir æfingu. Hún borðar hollan, einfaldan og góðan mat.
Hadid er náin bæði fjölskyldu sinni og vinum. Hún myndar djúp tilfinningatengsl við alla sem hún umgengst. Hún er dugleg að hitta fólk og samskipti hennar við aðra byggjast á trausti og trúnaði.
Bella Hadid er alin upp við þá hugsun að allir geti orðið það sem þá langar til ef þeir leggja nóg á sig. Hún vinnur skipulega, æfir skipulega og gerir allt sem hún tekur sér fyrir hendur með vakandi hugsun.
Það sem hún hefur áhuga á, þar er einbeiting hennar hverju sinni.
Bella Hadid segir að besta ráð sem hún hafi fengið sé að fara í göngutúr og teygja vel fyrir og eftir. Til að fá fallegan langan líkama er mikilvægt að hafa vöðvana vel teygða og afslappaða.