Varð 114 ára - fjölskyldan er með kenningu

Elsta kona Bandaríkjanna lést í vikunni 114 ára gömul. Lessie Brown sem varð 114 ára í september í fyrra þakkaði guði langlífið en sagði í viðtali í tilefni 109 ára afmælis síns að fjölskylda sín væri með aðra kenningu. 

Brown borðaði sætar kartöflur á næstum því hverjum degi í yfir 100 ár eins og fram kemur í frétt USA Today um lát Brown.  

„Mörg þeirra segja að það sé vegna þess að ég borðaði mikið af sætum kartöflum, en ég veit ekki hvort það sé það,“ sagði Brown á sínum tíma en var ekki jafn sannfærð um ágæti kartöfluátsins og fjölskylda hennar. Sagði hún langlífið vera vilja guðs.

Frétt af mbl.is

10 fæðutegundir sem líkjast líffærum

Brown fæddist árið 1904 en þegar hin 114 ára gamla Delphine Gibson dó í maí tók Brown við titlinum. „Það er gott,“ á Brown að hafa sagt þegar hún fékk fréttirnar. 

Ekki er ljóst hver er elsta núlifandi manneskja í Bandaríkjunum nú en talið er að hin 116 ára gamla Kane Tanaka frá Japan sé elsta manneskja í heimi. Spurning hvað hún borðar á hverjum degi?

Konan borðaði mikið af sætum kartöflum. Ljósmynd / Getty Images

• Blogga um frétt