Skíðavertíðin er byrjuð og fólk þarf að vera vel undirbúið hvort sem það er á leið í Alpana eða í Bláfjöll. Anna Eiríksdóttir, deildarstjóri í Hreyfingu og eigandi www.annaeiriks.is, deilir hér nokkrum einföldum æfingum til að styrkja skíðavöðvana.
„Skíðagarpurinn þarf heldur betur að styrkja rass- og lærvöðva, kjarnavöðva líkamans og þjálfa þolið. Þessi stutta en áhrifaríka æfing vinnur með alla þessa þætti. Hver æfing er unnin í 60 sekúndur og frábært er að gera 3-4 umferðir fyrir hörkugóða æfingu sem ekki bara skíðagarpurinn hefur gott af heldur allir sem vilja huga að heilsu sinni,“ segir Anna Eiríks.
Finna má fleiri góðar æfingahugmyndir á Instagram-síðu Önnu.