Jafn þung en í allt öðru formi

Kylie frá Toronto er ein af þeim sem hætti að nota vigtina eftir að hún áttaði sig á neikvæðum áhrifum þess að vigta sig. Hún fór til læknis á dögunum og komst að því þegar læknirinn vigtaði hana að hún var töluvert þyngri en hún taldi sig vera.

Kylie segist líða vel þrátt fyrir að vera um fimm kílóum þyngri en talan sem hún hafði í huga. Hún eins og margir aðrir efaðist þó þegar hún sá töluna en undanfarin ár hefur hún gert breytingar á lífi sínu og verið duglegri að hreyfa sig og lyfta.

Hafði henni farið aftur? Borðaði hún of mikið? Tók annað fólk eftir því að hún hefði bætt á sig? Allt voru þetta hugsanir sem komu upp en eftir smástund sagði hún stopp. Á fyrri myndinni leið henni eins og hún væri aum og var óörugg enda vigtaði hún sig reglulega. Á seinni myndinni leið henni eins og hún væri sterk og örugg með sjálfa sig. Niðurstaðan var sú að henni leið betur þegar hún var ekki að vigta sig. 

„Við verðum að hætta að láta tölur skilgreina okkur,“ skrifar Kylie við myndina og heitir sjálfri sér því að elska líkama sinn sama hversu þungur hann er. 

• Blogga um frétt