Langar þig til að húðin sé alveg glóandi?

mbl.is/Thinkstockphotos

Lára Sigurðardóttir, læknir hjá Húðinni skin clinic, segir að það sé ýmislegt sem við getum gert til að vernda húðina og líta betur út: 

Lára G. Sigurðardóttir og Sigríður Arna Sigurðardóttir .
Lára G. Sigurðardóttir og Sigríður Arna Sigurðardóttir .

Sagt er að fegurðin komi að innan en það er ekki verra að skarta fallegu hörundi. Það mæðir oft mikið á húðinni sem eldist því oft hraðar en önnur líffæri – sérstaklega ef við höfum reykt eða verið mikið í sól. Það sem við teljum stundum eðlilega öldrun er oft ekkert annað en afrakstur sólbaða. Til að sjá hversu mikið húðin hefur elst af völdum útfjólublárra geisla geturðu borið saman húð sem sól skín sjaldan á (t.d. handarkrika) og oft (t.d. handarbak). Manneskjan sem við sjáum í speglinum lítur því stundum út fyrir að vera eldri en okkur líður.

Auk þess fæðumst við öll með mismunandi húð. Sumir njóta þess að hún helst slétt og fín út ævina en aðrir fá snemma öldrunareinkenni. Það er þó alkunna að því fyrr sem við byrjum að hugsa vel um húðina því betur eldist hún og helst heilbrigðari. Líkt og það gerir lítið gagn að mæta einu sinni í ræktina til að komast í betra form þá er árangursríkast að hugsa jafnt og þétt um húðina. Hér fylgja nokkur atriði sem skipta máli þegar hugsað er vel um húðina.

Öldrun fyrirbyggð

Það besta sem þú getur gert fyrir húðina er að fyrirbyggja ótímabæra öldrun. Það er alltaf árangursríkara að halda heilu við en brotnu. Þá erum við að tala um atriði eins og að vera tóbakslaus því tóbak dregur úr blóðflæði til húðarinnar og minnkar súrefnisupptöku en súrefni er nauðsynlegt fyrir frumurnar okkar til að endurnýja sig. Auk þess eldist húðin hægar hjá þeim sem nota reglulega sólarvarnir, líka á veturna. Þá er einnig mikilvægt að passa upp á húðina ef verið er í kulda og þá er gott að bera á sig feitt krem.

Við þurfum meiri raka með aldrinum

Húðin tapar fitukirtlum með aldrinum og verður þurrari. Síðan er loftið oft og tíðum þurrt á Íslandi sem endurspeglast í þurri og sprunginni húð. Best er að sleppa því að nota sápu á líkamann og nota fasta sápu fyrir hendur. Fljótandi sápa inniheldur oft ertandi efni sem þurrka húðina. Einnig geta tíð og heit böð þurrkað húðina. Þá er gott að velja snyrtivörur og hreinsikrem án alkóhóls og sápu – oft nægir að nota t.d. apríkósu- eða kókosolíu og volgt vatn til að þrífa farða af húðinni. Við getum verið ginnkeypt fyrir alls konar fokdýrum kremum sem gefa loforð um eilífa æsku á meðan ódýrari krem gera sama gagn. Aðalatriðið er að velja krem sem hentar okkar húð og á veturna getum við þurft feitari krem. Ef þú ert með þurra húð hjálpar oft að taka inn kollagen (við mælum með úr sjávarríkinu) með hýalúrónik-sýru og ómega-3-fiskiolíu en það getur tekið allt að tvo mánuði að sjá áhrif. Og ekki gleyma að drekka nóg vatn og hafa í huga að kaffi og áfengi eru vatnslosandi.

Æfum líka andlitsvöðvana

Ef vöðvarnir í andlitinu eru farnir að slappast þá sígur húðin með því hún tengist vöðvunum með bandvefsþráðum. Auk þess hrörna andlitsbeinin og andlitsfitan minnkar með aldrinum þannig að með því að stækka andlitsvöðvana færðu meiri fyllingu í andlitið. Það er hægt að nálgast æfingar á netinu þar sem maður gerir æfingar án þess að gretta sig mikið.

Einfalt trix til að líta betur út er að hugsa um fjóra punkta í miðlínu: draga saman grindarbotninn, setja naflann inn, lyfta bringunni upp og þrýsta tungunni upp í efri góm. Gerðu æfinguna fyrir framan spegilinn og sjáðu muninn! Þá fær maður þessa fallega stöðu að maður lítur strax betur út.

Nærast en ekki níðast

Húðin endurnýjar sig á um 28 dögum og þarf til þess ákveðin næringarefni. Skortur á þessum næringarefnum getur valdið húðvandamálum eins og þurrki og exemi. Húðin þarf sérstaklega amínósýrur til að búa til prótín eins og kollagen, ýmis vítamín (C-, E-, A-, B2- og B6-vítamín), steinefni (selen og sink) og ómega-fitusýrur til að framleiða heilbrigðar frumur en næringarefnin eru alltaf best þegar þau koma beint úr náttúrunni. Auk þess getur ójafnvægi í meltingunni skilað sér í húðina því stór hluti ónæmiskerfisins er í görninni. Ef görnin er í uppnámi getur ónæmiskerfið valdið því að bólgueinkenni eins og bólur og bólgusjúkdómar koma fram í húðinni.

Fæðubótarefni sem oft er mælt með fyrir húðina

Kollagen. Húðin er gerð úr þremur lögum og er meginuppistaða miðlags húðarinnar gert úr kollageni, sem tapast með hverju árinu eftir 25 ára aldur. Þegar við tökum inn kollagen sjáum við til þess að húðin fái allar þær amínósýrur sem hún þarf til að framleiða kollagen og elastín.

Ómega-3-fitusýrur úr sjávarríkinu eru mikilvægar fyrir frumuhimnur og geta gert kraftaverk ef húðin er mjög þurr. Ef þú ert á blóðþynningu skaltu ávallt ráðfæra þig við lækni áður en þú byrjar að taka inn ómega-3-fitusýrur því þær þynna blóðið.

Góðir gerlar með að minnsta kosti 13 tegundum geta hjálpað ef þú ert með óþægindi við meltingu. Síðustu árin hefur komið betur í ljós hve þarmaflóran gegnir mikilvægu hlutverki í ýmsum kvillum. Þarmaflóran er nátengd ónæmiskerfinu og getur bólga í þörmunum endurspeglast í húðvandamálum.

Að slaka á og sofa vel

Sýnt hefur verið fram á að streita getur hraðað öldrun húðarinnar, minnkað þykkt ysta lags hennar og magn bandvefsfrumna sem framleiða kollagen, ásamt því að auka bólgumyndun. Þegar við sleppum væntingum (eigin og þeim sem við teljum aðrir geri til okkar) og erum góð við okkur sjálf líkt og okkar besta vin verður tilveran aðeins þægilegri. Hugleiðsla getur einnig gert kraftaverk og eru snjallforrit eins og Headspace og Calm vinsæl auk þess sem hægt er að sækja ýmis námskeið.

Streita og svefn haldast oft í hendur og þegar við náum tökum á streitunni og róum hugann förum við oft að sofa betur. Svefn er mikilvægur fyrir húðina eins og önnur líffæri. Svefnskortur getur flýtt fyrir öldrunareinkennum eins og fínum línum og litabreytingum í húð og minnkað teygjanleika húðarinnar. Við vitum að djúpsvefninn er mikilvægur fyrir framleiðslu vaxtarhormóna sem hjálpar okkur að endurnýja líffærin, þar á meðal húðina.

Besta yngingarlyfið

Ef það væri til ein pilla sem hægði á öldrun, verndaði okkur gegn ótal sjúkdómum og léti okkur líða eins og við hefðum heiminn í höndum okkar, þá væri sú pilla samsett úr öllu því sem hreyfing gerir fyrir okkur. Svo er maður sjaldan jafn hraustlegur á að líta og eftir góða útiveru. Manni líður ekki einungis unglega þegar maður er í góðu formi heldur hefur hreyfing víðtæk yngingaráhrif á líkamann. Mundu bara að verja húðina fyrir miklum kulda og sól.

Yngingarmeðferðir

Ýmsar meðferðir hjálpa þér að byggja upp húðina og þær meðferðir sem hafa reynst árangursríkastar til að styrkja húðina og gera hana unglegri eru leysilyfting (andlitslyfting án skurðaðgerðar) og dermapen (microneedling) sem bæði styrkja og auka teygjanleika húðarinnar með því að auka elastín og kollagen í húðinni. Restylane-fylliefni eru frábær til að fylla upp í andlitslínur og meðferðin sjálf hefur einnig reynst auka kollagen í húðinni. Því verða línurnar sjaldnast jafndjúpar þegar efnið hefur minnkað eftir eitt til tvö ár. Einnig er hægt að beita fleiri meðferðum til að minnka eða fjarlægja öldrunareinkenni eins og háræðaslit og sólarskemmdir.

Það er því margt hægt að gera til að sjá til þess að húðin endist okkur vel út ævina en mikilvægast að muna að hin sanna fegurð kemur að innan og við verðum alltaf smá sætari þegar glittir í bros.

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Þetta eru best klæddu konur Íslands!

20:00 Reglulega birtum við lista yfir best klæddu konur landsins. Í ár var leitað til lesenda Smartlands og tilnefndu þeir þær sem komust á lista. Eins og sjá má er listinn fjölbreyttur og skemmtilegur. Meira »

Sindri Sindrason flytur úr höllinni

17:00 Sindri Sindrason sjónvarpsmaður hefur sett sitt fallega einbýli á sölu. Um er að ræða 320 fm einbýli sem byggt var 1985.   Meira »

Fegurð og flottur stíll við Barmahlíð

14:00 Fegurð er orðið yfir þessa 120 fm íbúð við Barmahlíð. Gráir og grænir tónar mætast á heillandi hátt.   Meira »

Hvernig kveiki ég í sambandinu aftur?

10:13 Ég er í vanda stödd. Maki minn sem ég er búin að vera með í fjölmörg ár fer svo mikið í taugarnar á mér núna að ég veit ekki hvernig ég á að haga mér. Innst inni, ef ég gref nógu langt, veit ég að ég elska hann en við erum samt eins og vinir – ekki par. Meira »

Munurinn geysilegur á milli mynda

05:00 Það eru ekki allar myndir gjaldgengar á samfélagsmiðlum, eða þannig líður mjög mörgum. Unglingar sem fengu það verkefni að breyta mynd af sér þannig að hún væri tilbúin til birtingar á samfélagsmiðlum breyttu myndunum ótrúlega mikið. Meira »

Var Melania í kápu eða náttslopp?

Í gær, 23:00 Melania Trump er oftast í smekklegum og fallegum fötum. Bleika kápan frá Fendi sem frú Trump klæddist í vikunni hefur þó vakið athygli fyrir annað en að vera bara falleg. Meira »

Þórunn Pálsdóttir selur útsýnishúsið

í gær Þórunn Pálsdóttir verkfræðingur og fasteignasali hyggst flytja og er hennar fallega Garðabæjarhús komið á sölu.   Meira »

Giftu sig á rómantískasta degi ársins

í gær Stjörnurnar hafa verið duglegar að gifta sig á Valentínusardaginn en dagurinn virðist þó ekki endilega vera happamerki ef horft er til skilnaða sömu hjóna. Meira »

Ekki gera þessi mistök á litlu baðherbergi

í gær Það er besta ráðið að henda pínulitlum spegli og vaski á fæti á litla baðherbergið. Því minna sem baðherbergið er því dýrmætara er geymsluplássið. Meira »

Dásamlega lekkert einbýli í 101

í gær Við Bauganes í Skerjafirði stendur ákaflega fallegt fjölskylduhús þar sem hver fm er nýttur til fulls.   Meira »

Dreymir um að fara til Mið-Austurlanda

í gær Friðrika Hjördís Geirsdóttir, eða Rikka eins og hún er kölluð, er umsjónarmaður nýs Ferðavefs mbl.is sem fer í loftið í dag. Meira »

Konan búin að missa kynhvötina

13.2. „Ég veit að kynhvötin getur breyst en hún sýnir engin áform um að takast á við vandamálið. Ég hef boðist til þess að hjálpa en hún sýnir því ekki mikinn áhuga.“ Meira »

„Ég fékk nóg af draslinu“

13.2. „Þegar ég var ófrísk af fjórða barninu (árið 2015) fékk ég nóg af magni hluta á heimilinu okkar. Ég hreinlega hringsnerist í kringum sjálfa mig. Við eigum heima í stóru húsi á tveimur hæðum og einhverra hluta vegna var þetta hús yfirfullt af dóti, leikföngum, húsgögnum, þvotti, þvotti og þvotti og öllu því sem „á“ að fylgja stórri fjölskyldu.“ Meira »

Fyrrverandi maður orðinn besta vinkonan

13.2. „Fólk hafði skoðanir á öllu. Eins og til dæmis að það væri undarlegt að hún hefði bara fyrst áttað sig á þessu þegar við vorum úti í Svíþjóð. Að hún hlyti að hafa gert það fyrr, örugglega strax í æsku, bara rétt eins og það vissi miklu betur um hennar líðan en hún sjálf. Að hún hefði örugglega verið í afneitun og bælt þetta niður. Auðvitað veit enginn neitt um þetta nema hún sjálf.“ Meira »

5 mistök sem fólk gerir í sykurleysinu

13.2. Júlía Magnúsdóttir heilusmarkþjálfi segir að mistökin geti verið dýrkeypt þegar kemur að sykurleysi því sykurinn sé svo ávanabindandi. Meira »

Allir geta misst æfingataktinn

13.2. Nýverið greindi Elena Arathimos frá því að hún hafi misst taktinn í æfingunum sínum í tvær vikur. Hún byrjaði að borða óhollt, fara seint að sofa og fann fyrir aukinni streitu. Meira »

Klippti toppinn með naglaklippum

13.2. „Ég klippti toppinn minn sjálf með naglaklippum og það var hræðilegt,“ sagði Dakota Johnson sem er þekkt fyrir að skarta frjálslegum toppi. Meira »

Götutískan á tískuvikunni í New York

12.2. Gestir tískuvikunnar í New York mæta ekki í svörtu frá toppi til táar. Konur mæta þó í bleiku eða fjólubláu frá toppi til táar en áberandi litir hafa tekið yfir götur New York-borgar. Meira »

Fæla sterkar konur karlmennina frá sér?

12.2. „Nú nýverið las ég grein þar sem fram kom að karlar vilji ekki sterkar vel gefnar konur sem maka þrátt fyrir að þeir beri mikla virðingu fyrir þeim alla jafna,“ segir Linda Baldvinsdóttir. Meira »

Gettu hvað þau spöruðu á edrú-mánuði

12.2. „Þegar þú ætlar að taka heilsuna í gegn ferðu til dæmis í ræktina. Þú byrjar á að stíga á vigtina og gerir síðan áætlanir um mataræði og æfingar. Það sama á við um fjármálin.“ Meira »

Með íslenska hönnun á rauða dreglinum

12.2. Gemma Whelan var með skartgripi frá Aurum þegar hún mætti á BAFTA-verðlaunin í Royal Albert Hall á sunnudaginn.  Meira »