Áhrifavaldar geta haft skaðleg áhrif

Varast skal að fara eftir heilsuráðum frá svokölluðum áhrifavöldum ef fólk vill grennast ef marka má rannsókn sem háskólinn í Glasgow stóð að. Rannsóknin var gerð á vinsælum breskum áhrifavöldum. Skoðað var hversu trúðverðug grenningarráð voru að því kemur fram á vef Independent. 

Voru áhrifavaldarnir sem skoðaðir voru með yfir 80 þúsund fylgjendur, tvær samfélagsmiðlasíður og blogguðu um þyngdarstjórnun. 

Níu blogg voru skoðuð og uppfylltu átta ekki skilyrðin sem sett voru. Aðeins var einn aðili með gráðu í næringarfræði sem stóðst prófið. Þurftu áhrifavaldarnir að ná yfir 70 prósent í öllum flokkum en meðal annars var gegnsæi, áreiðanleiki og næringargildi skoðað. Flestir áhrifavaldarnir féllu í flestum flokkum og fimm sýndu skoðun sem staðreynd eða vísuðu ekki í heimildir. 

Áhrirfavaldar ná til fjölda fólks og mikilvægt að þeir veiti góðar upplýsingar. mbl.is/Thinkstockphotos

• Blogga um frétt