Eitt af fegurðarleyndarmálum alheimsfegurðardrottningarinnar Lindu Pétursdóttur er að sneiða hjá rauðu kjöti. Þetta kemur fram í nýlegum pistli hennar á samfélagsmiðlum. 

Hún segist gera græna orkudrykki daglega, sem og að sneiða hjá rauðu kjöti. Þetta er uppskriftin að betra lífi að hennar mati. 

Linda Pétursdóttir er ein af þeim konum sem eldist einstaklega vel. Hún hefur nýverið lokið námi í heimspeki, hagfræði og stjórnmálafræði og virðist njóta hvers augnabliks í faðmi fjölskyldunnar í Vancouver. 

Áhugasamir geta verið áskrifendur Lindu að reglulegum fréttbréfum þar sem hún deilir leiðum til að verða besta útgáfan af sér. 

Í nýjustu færslunni segir hún m.a. 

„Nokkrum sinnum í mánuði sendi ég út ráðleggingar til fólks af netfangalistanum mínum. Þar sem ég er vottaður heilsuráðgjafi sjálf þá legg ég mikið upp úr því að taka ábyrgð á minni eigin heilsu og velferð. 

Hér er eitt ráð sem mig langar að deila:⠀

Að minnka neyslu eða fara í fráhald frá rauðu kjöti

Eitt af því besta sem ég hef gert fyrir sjálfa mig, að undanskyldu því að gera grænu orkudrykkina mína daglega, er að hætta allri neyslu á rauðu kjöti. 

Áhrif þess urðu þannig að ég ákvað að halda mig alveg frá rauðu kjöti. 

Í námi mínu, ákvað ég að skrifa um áhrif fjöldaframleiðslu í kjötiðnaði á veröldina. Þjáning dýra sem eru alin innan fjöldaframleiðslunnar, það hvernig þessi framleiðsla er að eyðileggja heilsuna okkar og heiminn sem við viljum kalla heimilið okkar; móður jörð. Í mínum huga þá er þetta mjög ómannúðlegt kerfi og óvistvænt. ⠀
⠀⠀
Af þeim sökum langar mig að hvetja ykkur til að skoða að breyta yfir í lífrænar matvörur og plöntufæði.“

Áhugasamir geta skráð sig á póstlista Lindu á vefsvæði hennar. 

⠀⠀

Tengdar fréttir

Linda Pé

Upplifir rómantísk jól með nýja kærastanum

• Þetta gerir Linda Pé þegar hún er gagnrýnd
• „Hvernig vil ég að mér líði 1. janúar“
• Miss World frestað vegna smits
• 5 ráð til að klúðra ekki jólunum

» Fleiri tengdar fréttir

• Blogga um frétt