Melissa Alcantara, einkaþjálfari drottningarinnar sjálfrar Kim Kardashian, gefur fylgjendum sínum góð ráð varðandi hnébeygjur með lyftingastöng.
Hnébeygjur eru ein besta styrktaræfingin sem völ er á en þær geta verið mjög krefjandi með lyftingastöng og margt sem þarf að huga að.
Alcantara fer yfir hreyfinguna í sjö skrefum.
1. Vertu með báða fætur alveg á jörðinni þegar þú ferð undir stöngina og notaðu kraftinn úr mjöðmunum þegar þú lyftir henni upp.
2. Passaðu að hafa úlnliðina beina
3. Ekki horfa upp, niður eða til hliðar. Horfðu aðeins fyrir framan þig og einbeittu þér að því að hafa hálsinn í beinni línu við hrygginn.
4. Vertu með þægilegt bil á milli fótanna. Það er engin ein rétt staða til að taka hnébeygju, hver og einn verður að finna hvað honum finnst þægilegast.
5. Hnén eiga að færast í sömu línu og tærnar. Passaðu að missa hnén ekki inn fyrir tærnar.
6. Haltu brjóstinu uppi. Allt of margir gleyma að halda brjóstinu beinu þegar þeir taka hnébeygju og beygja aðeins mjaðmaliðinn.
7. Ekki læsa hnjánum í toppstöðunni.
Alcantara segir að það séu fleiri hlutir sem þarfnast athygli við þessa æfingu, en þessi sjö atriði séu hvað mikilvægust.