Söngvaranum Bergþóri Pálssyni er margt til lista lagt. Hann hefur fallega rödd, einstaka danshæfileika og síðan er persónuleiki hans þannig að öllum líkar vel við manninn.
Í vikunni birti hann áhugavert myndband sem fólk getur nýtt sér til að liðka líkamann. Hann gerir liðamótahreyfingar í anda Chad Keilen heilsuráðgjafa til að liðka sig á milli þess sem hann prjónar fallega peysu við sundlaugarbakkann.
Miðað við veðurspána, ættu landsmenn að geta nýtt sér sjóinn við Íslandsstrendur og tekið svipaðar æfingar. Hann hvetur í það minnsta fylgjendur sína að koma með og gera æfingar við sjóinn.
„Léttar liðamótaæfingar, ættaðar frá Chad Keilen, heilsuráðgjafa taka ekki nema 10-20 mínútur að gera og því er auðvelt að gera sér að vana á hverjum degi. Til að myndbandið yrði ekki svo langt, stytti ég hverja og eina hreyfingu, en hægt er að smella á pásu þegar manni sýnist. Annars er þetta svo auðvelt að það lærist strax. Ótrúlega góð líðan sem fylgir í kjölfarið!“