Allir vegir liggja til Ítalíu en það er fátt betra en að borða pasta á Ítalíu í sumarfríinu. Leikkonan og heilsugúrúið Gwyneth Paltrow er þekkt fyrir að borða hollt og hugsa vel um heilsuna. Hún segir þó farir sínar ekki sléttar af pastaátinu en hún nefndi það á dögunum að afturendi sinn hefði litið betur út.
Paltrow lofsamaði æfingar stjörnuþjálfarans Tracy Anderson á Goop-ráðstefnu í Bretlandi á dögunum að því fram kemur á vef The Sun. „Hver á þennan rass?“ Hugsaði Paltrow þegar hún gekk nakin fram hjá spegli eftir að hafa æft hjá Anderson í nokkra mánuði. Stuttu seinna áttaði hún sig á því að þetta var hennar eigin rass sem leit svona vel út þökk sé Anderson.
„En rassinn á mér er ekki frábær akkúrat núna. Ég var bara á Ítalíu og missti mig gjörsamlega í pastanu,“ bætti Paltrow við.