Thelma Ásdísardóttir, baráttukona gegn kynferðislegu ofbeldi, er nær óþekkjanleg á forsíðu Vikunnar. Í viðtali við Vikuna talar hún opinskátt um hvernig hún fór að því að léttast um 74 kíló. Mannlíf birtir brot úr viðtalinu þar sem Thelma segist hafa einbeitt sér að því síðasta eina og hálfa árið að komast í betra form.
Thelma segist hafa aukið vatnsdrykkju til að byrja með. Hún fór svo út að ganga en hún lýsir því að fyrsti göngutúrinn hafi einungis verið 400 hundruð metrar.
„Fyrsta skrefið í nýjum lífsháttum tók Thelma í febrúar 2018, fyrir einu og hálfu ári, en það er ár síðan hún tók sykurinn út og hún segir að það hafi eiginlega verið fyrst þá sem hún fór að sjá verulegan mun á sér,“ segir í viðtalinu.
Síðan að Thelma tók sykurinn út hafa 63 kíló farið en hún þakkar föstu, sykurleysi og hreinu mataræði árangurinn.
„Síðan ég tók sykurinn út hafa 63 kíló farið en í heildina eru farin 74 kíló, þannig að það er farinn heill karlmaður af konunni,“ segir Thelma Ásdísardóttir í viðtalinu.